Ақтауда көп салалы жаңа клиника ашылды

©

Бүгін, 26 желтоқсан күні облыс әкімі Серікбай Трұмов Ақтау қаласында көп салалы клиниканың ашылуына қатысты, - деп хабарлайды сайты mangystaumedia.kz облыс әкімдігінің баспасөз қызметіне сілтеме жасап.

Мемлекеттік-жекеменшік әріптестік бойынша бой көтерген орталықта жүзден аса білікті маман қызет етпек. Заман талабына сай жабдықталған орталық алдағы уақытта бастапқы медико-санитарлық көмек көрсетіп, күніне 200 ден астам науқасты қабылдай алады.

Емхана Ақтау қаласының 1, 2, 3 және Приморский шағынаудандарының 23 мың тұрғынына, жақын орналасқан оқу орындарының студенттеріне медициналық қызмет көрсететін болады. Нәтижесінде 103 мың адамға медициналық көмек көрсететін №1 емхананың жүктемесі енді 23% дейін төмендейді деп күтілуде. Аймақ басшысы ақ халаттылардың жұмысына сәттілік тілеп, тұрғындарға сапалы қызмет көрсетуге шақырды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.