Ақтауда салт-дәстүрді дәріптеген айтыс өтті
[ 2019 ] 27 қараша, 09:10 | Жаңалықтар
Кеше Ақтауда Маңғыстау облыстық дін істері басқармасының ұйымдастыруымен «Салт-дәстүр – тәрбие көзі» атты айтыс өтті. Оған сөз маржанын терген 10 жас ақын қатысты. Нәтижесінде Мейірбек Саламатов бас жүлдені жеңіп алды, - деп хабарлайды mangystaumedia.kz сайты.
Айтысты ақын Нұрлан Мұсаев жүргізді. Негізгі мақсат – жастардың діни сауатын арттыру, жат ағымдардың зардаптарынан сақтандыру, ұлттық өнер – сөз барымтасы арқылы ата-бабаларымыз ұстанған дәстүрлі дін жолын насихаттау.
Қоғамның өзекті мәселелерін қара өлеңмен өрген айтыскерлерге ақын, республикалық мүшайралардың жеңімпазы, Халықаралық «Шабыт» фестивалінің лауреаты Асылбек Жаңбырбай, айтыскер ақындар Алтынбек Сүйінбекұлы мен «Жыр жебе» ақындар мектебінің директоры Фархад Мұсаев, Маңғыстау облыстық дін істері басқармасы басшысының міндетін атқарушы Гульмира Балгожаева және «Рухани жаңғыру» өңірлік жобалық офисінің басшысы Гүлайым Азан төрелік етті.
Оқи отырыңыз: Н.Жантөрин театры желтоқсан айында қандай қойылымдарды ұсынады?
Сөз додасында Т.Жүргенов атындағы өнер академиясының I курс студенті Мейірбек Саламатов топ жарды.
1-орынды Қазақ ұлттық өнер университетінің I курс студенті Алшын Суемов иеленді.
Т.Жүргенов атындағы өнер академиясының I курс студенті Ердәулет Сардар 2-орынды алды.
Ал Білім-инновация лицейінің 11-сынып оқушысы Рамазан Тезекбаев 3-орынды қанжығасына байлады.
Қарақиялық 11-сынып оқушысы Жанболат Әлиев «Көрермен көзайымы» номинациясын иеленді.
Жұлдызай ҚАЛИЕВА
Суреттер фейсбук парақшасынан алынды
[gallery td_select_gallery_slide="slide" ids="88743,88744,88746"]
1637
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
