Мас күйінде көлік жүргізіп, жол апатына ұшырады
[ 2019 ] 12 қараша, 06:54 | Жаңалықтар
Ақтауда мас күйінде көлік жүргізген жүргізуші бағдаршамға тоқтамай, көлікпен қақтығысты, - деп хабарлайды mangystaumedia.kz сайты.
Оқиға 11 қараша күні «Мәңгілік алау» ескерткішінің қиылысында болған. Жол-көлік апатында Audi 100 және Toyota Camry автомобильдері соқтығысқан.
Маңғыстау облысы полиция департаментінің баспасөз қызметінің хабарлауынша, апаттан ешкім зардап шеккен жоқ.
«Audi 100 жүргізушісі 599-баптың 1-бөлігіне (тыйым салынған бағдаршамда жүру) және ҚР Әкімшілік құқық бұзушылық туралы кодексінің 608-бабының 3-бөлігіне сәйкес (мас күйінде көлік құралын басқару, сондай-ақ көлік құралдарына нұқсан келтіретін әрекеттер) хаттама толтырды», - дейді Маңғыстау облысы полиция департаментінің баспасөз қызметі.
Қазіргі таңда көлік айыппұл тұрағына орналастырылды. Шешім қабылдау үшін оқиға әкімшілік сотқа жіберілді.
Жұлдызай ҚАЛИЕВА
1079
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
