"Мазмұндама" қорының төрағасы Шыңғыс Мұқан "Маңғыстау-Медиа" ұжымымен танысты
[ 2019 ] 26 тамыз, 13:43 | Жаңалықтар
Бүгін, 26 тамыз күні "Мазмұндама" қорының төрағасы, журналист Шыңғыс Мұқан "Маңғыстау-Медиа" ЖШС ұжымымен және жұмыс барысымен танысты, - деп хабарлайды mangystaumedia.kz сайты.
Шыңғыс Жұмабекұлы "Маңғыстау-Медиа" басшысы Айсұлу Қабышқызының қызметіне сәттілік тілеп, ұжым жұмысына деген ізгі тілегін жеткізді. Кездесу барысында әріптесіміз жарты жылдық тарихы бар "Огни Мангистау" газетінің және "Маңғыстау" газетінің қызметкерлерімен тілдесіп, редакция жұмысымен танысып, түйткілді мәселелерге тоқталды. Сонымен қатар мекеме ғимаратының ескілігіін көрген ол шығармашылық адамдарға, яғни журналистерге тиісті жағдайдың жасалуы қажет екенін тілге тиек етті.
Журналистикада және мемлекеттік қызметте 15 жылдық еңбек өтілі бар ол журналист мамандығы бойынша Қазақ Ұлттық Университетін тәмамдаған. Республикалық басылымдарда мақалалары жарияланған қазақ тілді контентті дамытуға септігі тиген журналистердің бірі. Орал қаласының "Жайық пресс" аймақтық ақпараттық холдингіне жетекшілік еткен. Жуырда ғана жарық көрген "Көшбасшылық" жинағының авторы бүгінде "Мазмұндама" қорының төрағасы.
Махаббат НҰРЖАНҚЫЗЫ
2582
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
