Ақтауда мешіттен дәріс алып жүрген балаларға демалыс ұйымдастырылды
[ 2019 ] 23 шілде, 13:36 | Жаңалықтар
Бүгін, 23 шілде күні Ақтау қалалық «Бекет ата» мешітінің ұйымдастыруымен мешіт жанындағы жазғы курстарда діни сауатын ашып жүрген мектеп жасындағы балаларға «Басқұдық» ойын-сауық орталығында демалыс ұйымдастырылды, - деп хабарлайды mangystaumedia.kz сайты.
"Бекет ата" мешіті жылына жазғы демалыс уақытында 80-ге жуық баланы қабылдайды. Олар діни сауат ашу курсында араб әліпбиімен танысып, құран оқып үйренеді. 1-9 сынып аралығындағы 30 шақты қыз, 50-ге тарта ұл бала қазіргі уақытта осы мешіттің шәкірті. Олар дүйсенбіден жұмаға дейін екі сағаттан дәріске қатысады.
[embed]https://youtu.be/CzLIjo53xoQ[/embed]
Балалар бір мезгіл көңіл көтерсін деп осы демалысты ұйымдастырдық. Бүгін 60-тай шәкіртімізді осында бой жазуға алып келдік, - дейді қалалық мешіттің бас имамы Зиядолла Еміл.
Балаларды қуантудан кәсіпкерлер де қалыс қалмай, қолдау көрсетті. Демалысқа келген балалар әртүрлі ойындар ойнап, түскі ас ішіп мәре-сәре болып қайтты.
Шаршағанымызды басып түрлі ойындарды ойнап жатырмыз. Бүгін мен достарыммен уақытты көңілді өткізіп жатырмын. Ұйымдастырушыларға алғыс білдіремін, - дейді мешіт шәкірті Садық Ембергенов.
Махаббат НҰРЖАНҚЫЗЫ
Суреттер мен бейнежазбаны түсірген Талант ҚҰСАЙЫН
[gallery td_select_gallery_slide="slide" ids="83296,83294,83295,83293,83291,83290"]
844
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
