Мамандар меланоманы анықтау үшін тексерілуге шақырады
[ 2019 ] 29 мамыр, 12:00 | Жаңалықтар
Мамандар тұрғындарды меланоманы анықтау үшін тегін тексеруден өтуге шақырады. 4 маусым күні облыс тұрғындары денесіндегі сүйел, мең немесе қалды дерматоскоп арқылы тегін тексерте алады, - деп хабарлайды mangystaumedia.kz сайты.
Меланома - денедегі қатерлі ісік. Меланома меланин (қоңыр, қара немесе сары түсті жоғары молекула суда ерімейді) пигменттерін түзетін клеткалардан тұрады. Меланома – өте қатерлі, тез метастаз беретін ісік.
Тегін дерматоскопия тексерісінен өту үшін 4 маусым күні Ақтау қаласы 3 шағынаудандағы №26 ғимаратта орналасқан Маңғыстау облыстық тері-венерологиялық диспансеріне келуіңіз қажет. Тексеру таңғы сағат 09.00-ден 12.00-ге дейін жүргізіледі.
Түстен кейін сағат 14.00 мен 17.00-дің арасында 26 шағынауданда орналасқан "Денсаулық" медициналық орталығының 3 қабатындағы 15 кабинетінде қабылдау жүргізіледі.
Айта кетелік, 21 мамырда дүниежүзілік меланомамен күрес күні атап өтіледі. Қазақстанда бұл күн 4 маусымға ауыстырылған. Осы күні республикада қатерлі ісіктің алдын алу мақсатында диагностика жүргізіледі.
1016
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
