Қарақиялықтар сенбілікке шықты

Түнімен жауған жаңбырға қарамастан кеше Қарақиядағы көптеген мекеме қызметкерлері сенбілікке шықты. Көшелер мен жол бойларындағы қоқысты тазалап, талдардың түбін қопсытып, айналаны ретке келтірді. Мәдениет үйі мен ауыл әкімдігінің қызметкерлері геолог-барлаушылар музейінің ауласына ағаш отырғызатын жүз шұңқыр қазса, ҚДС басқармасы базар маңайын тазалады. Ал кәсіпкерлік бөлімі мен "Атамекен" палатасы аудандық филиалының жастары: "Жауса жаңбыр, ыстық күнде, қарда да, Біз біргеміз, достарменен қайда да!" - деп өлеңдете жүріп, көп шаруаны тиянақты тындырып тастады. Басқа да мекемелер мен ауылдарда бұл шара жалғасын таппақ.

Шынар КЕНДІН,

Сурет автордікі