Бейнеу тұрғыны арақ ұрлаймын деп сотталып кете жаздады
[ 2019 ] 11 наурыз, 07:35 | Жаңалықтар
Бейнеуде «Дана» супермаркетінен 3 күн бойы 2 шөлмектен, барлығы 6 шөлмек арақ ұрлаған адам ұсталған. Алайда айыпталушы А. жәбірленуші Е-ге келтірілген шығынын толық өтеп, медиация тәртібімен татуласты. Қылмыстық іс Бейнеу аудандық сотында қаралған, - деп хабарлайды mangystaumedia.kz сайты.
«Сотта анықталғандай, 2019 жылы ақпан айының 11, 12, 13-күндері Бейнеу селосындағы «Дана» супермаркетінен әр күні 2 шөлмектен, барлығы 6 шөлмек «Пшеничная» арағын ұрлаған. Оқиға болған жерден бой тасалап кеткен. Салдарынан жәбірленуші Е-ге 6600 теңге материалдық шығын келтірген», - дейді Маңғыстау облыстық сотының баспасөз қызметі.
Аудандық сотта ҚР ҚК-нің 187-бабының 1-бөлігімен айыпталушы А-ға қатысты қылмыстық іс қаралған. Алайда сот қаулысымен А. медиация тәртібі бойынша жәбірленушімен татуласып, келтірілген шығынды толық өтеген. Соған байланысты ҚР ҚК-нің 68-бабының 1-бөліміне сай қылмыстық жауаптылықтан босатылып, қылмыстық іс өндірісі тоқтатылды.
Әзірге қаулы заңды күшіне енген жоқ.
738
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
