Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
«Жаңа ұрпақ» республикалық көшбасшылар мектебі «Ауыл көшбасшылары» атты арнайы әлеуметтік жоба құрастырды. Мақсат - жастар арасындағы өз-өзіне қол жұмсау фактісін азайту. Себебі Дүниежүзілік денсаулық сақтау ұйымының мәліметінше, Қазақстан өзіне-өзі қол жұмсау саны бойынша әлемдегі бес елдің қатарында.
Мектеп еліміздің барлық ауылдарында 2018-2019 жылдарға арналған көшбасшылық тренингтер өткізуді бастады.
Маңғыстаудағы «Ауыл көшбасшылары» жобасы 2018 жылдың сәуір айынан аймақ басшысының қолдауымен басталған болатын.
Жоба екі кезеңнен тұрды. Алғашында шеберлік сағаттар аясында 600-дей топ құрылды. Командаға 1 ай көлемінде ауылды көркейтіп, дамытатын жобалар жасау тапсырылды. Үздік шыққан 10 команда жобаларын Ақтау қаласына келіп қорғады. Олардың ішінен 7 команда Ақтау қаласындағы "Балдəурен" лагеріне жолдама алды.
«Жаңа Ұрпақ» көшбасшылық мектебінің ұстанымы – Қазақстанның жаңа, көшбасшы ұрпағын тәрбиелеу арқылы, мемлекетімізге әлемнің ең дамыған 10 елінің қатарына кіруге қолдау жасау.
Ақтау қаласы Балдәурен лагерінде тамыз айының 25-29 аралығында «Көшбасшылық жаңғыру» тренингтік бағдарламасы бойынша барлық ауданнан келген топтар оқытылды.
Тренинг ауыл жастарына көшбасшылық қабілетті ашу, ораторлық шеберлік, командалық жұмыс, ата-анамен қарым-қатынасты жақсарту, ішкі сенімді, өзіне деген сенімді арттыру, мақсат қою және соған жету жолдары, мотивацияны арттыру, жауапкершілікті сезіну, телефон және интернетсіз өмір, жоба жасау және оны қорғау дағдылары, ішкі таланттарды дамыту, мәдени және сауатты болу тақырыптарында жүргізілді.
Маңғыстау облысы әкімдігі ұйымдастырып отырған тренингке 9-10 сынып оқушылары қатысты. Балаларға 1 апталық қонысы мен тамағы тегін көрсетілді.
Тренинг сабағын бітірген әрбір балаға «Жаңа Ұрпақ» РКМ арнайы жейдесі мен төс белгісі, сертификаттар мен қосымша сыйлықтар берілді.
Айта кетейік, «Жаңа Ұрпақ» құрылғаннан бастап, 10 мыңнан астам оқушыға көшбасшылыққа бағытталған 4 мыңнан астам тренинг өткізді. 2030 жылға қарай тағы 100 000 көшбасшыны оқытуды жоспарлап отыр.
Асылзат ӨСЕРҚЫЗЫ
[gallery td_select_gallery_slide="slide" ids="60369,60370,60371,60372,60373,60374,60375,60376,60377,60378,60379,60380"]
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.