Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Басқұдық ауылдық округінде «Мұхамбет» жекеменшік медициналық орталығының бөлімшесі ашылды. Қасиетті Құрбан Айт мейрамы қарсаңында ашылған орталық ауыл тұрғындарына үлкен тарту болды.
Бұл орталық өткен жылы Мұнайлы ауданының он жылдығы қарсаңында ашылып, өз жұмысын бастаған еді. Алғашқы кезде ауысымда 150 адамға медициналық қызмет көрсетіліп, невропатолог, дерматолог, офтальмолог, гинеколог, педиатр сынды дәрігерлер жұмысын бастаған-ды. Енді міне, аумағы кеңейіп, орталықтың бөлімшесі ашылып отыр.
Ашылу салтанатында аудан әкімінің орынбасары Берік Біләлов сөз сөйлеп, ауыл тұрғындарына, медицина қызметкерлеріне өз құттықтауын арнады. Бұдан соң сөз алған ауылдың қадірлі ақсақалы Мақсұт Найзабеков те ауыл халқына және медициналық орталықтың ақ желеңділеріне жүрекжарды лебізін жеткізді. Осындай ел үшін аса қажет орталықты салып, оның жұмысын өркендетіп отырған басшыларға да алғысын айтты.
Ақсақалдар ақ батасын бергеннен соң лента қиылып, барша жұрт ғимаратты аралып көрді.
ӨЗ ТІЛШІМІЗДЕН
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.