Маңғыстау қысқа әзір ме?

«Қыстың қамын жаз ойла» деп аталарымыз біліп айтқандай, тамыздың аяғына қарай күздің лебі білініп, қаладағы көше бойла­ры қысқы маусымға дайындыққа қызу кірісіп кеткен техникаларға толып кетеді. Алдағы жылыту маусымына дайындық барысы туралы ақпарат сұрағанымызда облыстық энергетика және ТКШ басқармасының басшысы Сапар Аманбеков былай деп жауап берді:

- Облыс бойынша негізгі ірі энергия өндіруші және таратушы кәсіпорындары «МАЭК – Қазатомөнеркәсіп» ЖШС және «Маңғыстау электртораптық бөлу компаниясы» АҚ болғандықтан дайындығы келесідей:

• «МАЭК-Қазатомөнеркәсіп» ЖШС бойынша негізгі қондырғылардың дайындығы 85%-ды құрайды және штаб отырысында 2 рет тыңдалды.
• «МЭБК» АҚ бойынша дайындығы 90%-ды құрайды. Аталған кәсіпорындардың дайындығы өте жақсы деңгейде жүріп жатқандығын атап өтуге болады.

Ал әлеуметтік салалар бойынша дайындық жұмыстары төмендегідей:

• Білім беру нысандары – 388 білім беру нысанының 369-ы дайын (95%), қалған жұмыстар ағымдағы жылдың 25 тамызға дейін толықтай дайын бо­лады.
• Денсаулык нысандары – 102 денсаулық нысанының 91-і дайын (89%), қалған нысандар (Бейнеу селосы емханасы) ағымдағы жылдың 1 қыркүйегіне дейін дайын болады.
• Әлеуметтік нысандары – 140 бірлік әлеуметтік нысанының 122-сі дайын (87%), қалған жұмыстар ағымдағы жылдың 25 тамызға дейін толықтай дайын болады.
• Тұрғын үй бойынша – 1541 көпқабатты үйдің 1356-сы дайын (88%), (сумен сынау және жуу жұмыстары), қалған үйлер ағымдағы жылдың 1 қыркүйегіне дейін дайын болады.
• Қазандықтар бойынша – 390 қазандықтың 331-і дайын (85%), қалған нысандар ағымдағы жылдың 1 қыркүйегіне дейін аяқталады.
• Жылу желілері бойынша – 779,72 км жылу желісі бар. Оның ішінде жөндеу жоспарланған 8,785 км желінің 7,5 км (85,2%) жөнделді, қалған жұмыстар ағымдағы жылдың 1 қыркүйегіне дейін толықтай аяқталады.

Үміт ЖӘЛЕКЕ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.