©
Биыл облысымызда 5611 өрен мектеппен қоштасты. Оның 4169-ы Ұлттық бірыңғай тестілеуден өтті. Ал 1369 үміткер мемлекеттік білім грантын иеленді. Бұл жөнінде МО Білім бөлімінің бізге берген ақпаратында жазылған.
Ақтау қаласында 1437, Бейнеу ауданында 920, Жаңаөзен қаласында 1222, Қарақия ауданында 387, Маңғыстау ауданында 458, Мұнайлы ауданында 767, Түпқараған ауданында 298 түлек мектепті аяқтаған. Олардың саны Қазақ-Түрік лицейінде 73, Облыстық дарынды балаларға арналған мектеп-интернатта 49.
Облыс бойынша мектепті «Алтын белгімен» тәмамдаған 172 түлектің 115-інің есімі грант иегерлерінің тізімінен табылды.
Айта кетейік, 2017 жылы 1057 маңғыстаулық мемлекеттік грантқа қол жеткізген болатын.
Теңге БЕКМҰРЗАЕВА
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
