Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Олимпиада чемпионы Данияр Елеусінов бүгін кәсіпқой бокстағы екінші жекпе-жегін өткізді. Лондон қаласы «York Hall» орталығындағы кездесуде отандасымыз мажар боксшысы Золтан Шабоны жеңді. «Қазақ Найзағайы» жоспарланған 6 раунд бойы қарсыласынан басымдығын танытып, ұпай санымен алға шықты.
Золтан Шабо бұған дейін 36 жекпе-жек өткізіп, 24-ін жеңіспен аяқтаған. Ал Данияр Елеусінов кәсіпқой бокстағы алғашқы кездесуін 28 сәуірде өткізген еді. Онда америкалық Ноа Кидті нокаутқа жіберді.
ТАҒЫ ОҚЫҢЫЗ: Бауыржан Нарбаев Еуропа кубогінің күміс жүлдегері атандыЕске сала кетейік, Данияр Елеусінов негізі мажарлық Габор Горбичпен кездесуі тиіс еді. Бірақ 30 жасар боксшы спарринг-бәсекеде жарақат алып қалып, орнына З.Шабо шықты. Шабо 5 күн бұрын өз еліндегі жекпе-жекте жеңіске жеткен болатын.
28 шілде күні аса ауыр салмақта британдық Диллиан Уайт пен кубалық Луис Ортис жұдырықтасады. Лондондағы бокс кешінің андеркартында Данияр Елеусінов те шаршы алаңға шығады. Қарсыласының кім екені алдағы уақытта белгілі болмақ.
Теңге БЕКМҰРЗАЕВА
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.