Маңғыстауда «Қауіпсіз қала» жобасы аясында 1800 сыртқы бейнебақылау орнатылады

©

Бүгін Маңғыстау облысының әкімі Ералы Тоғжановтың төрағалығымен аппараттық жиын өтті. Күн тәртібінде инфрақұрылымды дамытудың 2015-2019 жылдарға арналған «Нұрлы жол» мемлекеттік бағдарламасының іске асырылу барысы, Қазақстан Республикасында діни экстремизм мен терроризмге қары іс-қимыл жөніндегі 2013–2017 Мемлекеттік бағдарламасын іске асыру қорытындысы қаралды.

Инфрақұрылымды дамытудың 2015-2019 жылдарға арналған «Нұрлы жол» мемлекеттік бағдарламасын іске асырылу барысы туралы облыстық жолаушылар көлігі және автомобиль жолдары басқармасының басшысы Әліби Көшірбаев баяндады.

«Нұрлы жол» бағдарламасының аясында 2020 жылға дейін облыстық хабтарды Астана қаласының орталығымен байланыстыру жоспарланып отыр. Сондай-ақ төмендегідей инвестициялық жобалар қарастырылған:

1. «Боржақты-Ерсай» теміржол желісінің құрылысы (13,9 км). 2015 жылдың 1 шілдесінен бастап аталмыш жол бойында пойыздар құрылыс жүктерін жеткізе бастады.

2. Ақтау халықаралық теңіз сауда портын солтүстік бағытқа кеңейту. Бұл – құрғақ жүктерді жылына 3,0 млн. тоннаға дейін жеткізу мүмкіндігі бар заманауи көп мақсатты терминал. 2017 жылы металдар, астық, тамақ өнімдері, құрылыс материалдары және т.б. қоса алғанда, 1 016 600 тонна жүк тасымалданды.

3. «Шетпе-Жетібай-Ақтау» учаскесіндегі автокөлік жолдарын қайта құру. «Шетпе-Жетібай-Ақтау» тас жолының ұзындығы 170 км құрайды. Жұмыстар толық аяқталып, 2017 жылдың желтоқсанында нысан іске қосылды.

4. Құрық портында паром кешенін салу және әмбебап жүк-жолаушылар паромдарын пайдалану. 2018 жылдың қаңтарында Құрық порты арқылы тасымалданған жүк көлемі 89,7 мың тоннаны құрады. Құрық порты дамуының екінші кезеңінде порт суы учаскесін тереңдету жұмыстары, автопарк құрылысы бойынша жұмыс 100%, шығыс суларының гидроэлектрлік құрылыстары 65%, батыс суларының 68% жұмыстары аяқталды. Сондай-ақ, қосалқы және сервистік мақсаттағы объектілер мен көлік объектілері құрылысы жүріп жатыр.

5. Шетпе-Бейнеу жолын қайта жаңарту. Нысанның аяқталу мерзімі 2018 жылдың 3-тоқсанында жоспарланған.

6. «Бейнеу - Ақжігіт - Өзбекстанның мемлекеттік шекарасы» автожолын қайта құру. Қайта құру аяқталғаннан кейін қозғалыстың орташа жылдамдығы 50-ден 100 км/сағатқа дейін артады.

7. «Жетібай-Жаңаөзен» автожолын қайта құру. 2018 жылдың наурызында мердігерлер құрылыс-монтаж жұмыстарын бастайды.

Жиында Қазақстан Республикасында діни экстремизм мен терроризмге қары іс-қимыл жөніндегі 2013 – 2017 Мемлекеттік бағдарламасын іске асыру қорытындысы туралы облыс әкімі аппаратының құқық қорғау органдарымен жұмыс, терроризмге қарсы іс-қимыл және жұмылдыру дайындығы бөлімінің басшысы Сымбат Төретаев мәлімдеді.

Есепті кезеңде (2013-2017 жж.) ақпараттық-түсіндірме топ мүшелері халық арасында 330 мың адамды қамтитын 2700-ден астам әр түрлі форматта іс-шаралар өткізілді. Оның ішінде 989 шарамен 103 мыңнан астам жастар қамтылды.

«55 мыңнан астам балаларды қамтитын 9 әскери патриоттық клуб пен 86 жасөспірімдер клубы, «Жас ұлан», «Жас Қыран» балалар мен жастар ұйымдары құрылды.Облыстағы барлық білім беру ошақтары заманауи қорғаныспен, дабыл жүйелерімен және бейнебақылау камераларымен 100% қамтамасыз етілген.Бұдан басқа, мемлекеттік-жеке меншік әріптестік шеңберінде «Қауіпсіз қала» жобасын жүзеге асыру үшін көшелерде камералар орнату үшін 2,1 млрд. теңгеден астам (1800 бірлік) сыртқы бейнебақылауды кезең-кезеңмен қамтамасыз ету жоспарлануда, бірінші кезеңде ең қылмыстық аудандарда 500 камераны орнату жоспарлануда», - деді облыс әкімі аппаратының құқық қорғау органдарымен жұмыс, терроризмге қарсы іс-қимыл және жумылдыру дайындығы бөлімінің басшысы Сымбат Төретаев.

Маңғыстау облысы әкімінің баспасөз қызметі

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.