Оқушылар ойнап жүріп «Ақботадағы» 32 шамды сындырған

2017 жылдың 16 қарашасы күні сағат 12:30 шамасында Ақтау  қалалық ІІБ кезекші бөліміне 1 шағын аудандағы «Ақбота» ойын-сауық саябағындағы  жарық шамдар шағылғаны туралы  хабарлама түскен.

Тексеру барысында кәмелет жасқа толмаған тұлғалар қыркүйек-қараша айлары аралығында 32 дана жарық шамдарын сындырғандары анықталған. Бұл дерек бір-біріне тас лақтырып ойнау барысында орын алған.

МО ІІД баспасөз қызметінің мәліметінше, күдікті ретінде кәмелет жасқа толмаған 5 жасөспірім анықталған. Олар 8-9 сынып оқушылары.

Осы аталған кәмелетке жасқа толмаған жасөспірімдерге ҚР ҚК-тің 291-бабының 1-бөлігіне сай  қылмыстық іс қозғалып, аталған жасөспірімдер Ақтау ҚІІБ-на есепке алынды. Енді Ақтау қаласы әкімдігінің жанындағы кәмелетке толмағандардың істері және олардың құқығын қорғау комиссиясына   әкімшілік жауапкершілікке тартуға ұсыныс жіберілмек.

Теңге БЕКМҰРЗАЕВА,

Суретті түсірген Талант ҚҰСАЙЫН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.