Есірткіге тәуелділер қатары азаймай отыр

©

Бүгінде облыстық наркологиялық диспансерінде есірткі заттарын тұтынған 1411 адам, оның ішінде 55 әйел және 8 жасөспірім есепте тұр. Оның 760-ын есірткіге тәуелді нашақорлар құрап отыр, 651-і есірткіні аракідік қолданатындар. Ең жоғарғы көрсеткіш Ақтау қаласында, алты айдың ішінде есірткіні қолданатын 107 адам тіркелген. Мұнайлыда-29 адам, Жаңаөзенде-11 адам, Қарақия, Бейнеуде-7 адам диспансерлік есепте тұр. Ең төменгі көрсеткіш Маңғыстау мен Түпқараған аудандарына тиесілі, мұнда есірткіні тұтынған 3 адам есепке алынған.

Диспансерде есепте тұрған 1411 адамның сегізін 15 пен 17 жас аралығындағы жасөспірімдер құрайды. 403-і 18 бен 30 жас аралығындағы жастар болса, 1000-ы 31 жас және одан жоғарылар.

- Жыл санап есірткінің де түрлері көбейіп отыр. Бұрынғы кездері қолданатын героин, марихуананың қазіргі таңда синтетикалық, дозасы көбейген түрлері шығып жатыр. Қолданылатын есірткі түрлері бойынша апиындық препараттардың үлесі (апиын, героин)– 571, 2016 жылдын 1 шілдесіне – 621 болатын. Каннабиноид тұтынушылар – 741, 2016 жылы-641 адам еді, есірткілер және басқа психикалық белсенді заттарды бірге тұтынуға байланысты есепте тұрғандар – 92, өткен жылы 88 болатын. Седативті және ұйықтататын заттарды тұтынуға байланысты - 2, стимуляторлар тұтынуға байланысты - 2, ұшпалы ертінділерді тұтынуға байланысты - 3 адам тіркелді. Бұл облыстық наркологиялық диспансерге тіркелгендері ғана,  тұтынушылар саны бұдан бірнеше есе жоғары болуы мүмкін,-дейді облыстық наркологиялық диспансерінің басшысы Күләш Қаражанова.

Венера МИРЛАН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.