Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
©
2017 жылы Маңғыстау облысында жануарлар тістеп, тырнап тастаған 1 796 адам тіркеліп, дәрігерлердің көмегіне жүгінген. Бұл 2016 жылмен салыстырғанда бес жағдайға көп. Бұл жайында Маңғыстау облыстық ауруханасы травматология және ортопедия бөлімінің меңгерушісі Жансерік Шаухымбердиев мәлімдеді.
Жан-жануарлардан жапа шеккендер Мұнайлы ауданында көп тіркелген. Былтыр мұнда 455 адам (2016 жылы - 422 адам) зардап шеккен. Жаңаөзенде 453 адамға үй және жабайы жануарлар шабуыл жасаған (2016 жылы - 501). Облыс орталығында 354 адам жарақат алса, 2016 жылы 325 болатын. Ең төмен көрсеткіш Маңғыстау ауданына тиесілі, 2017 жылы - 84 адам, 2016 жылы - 65 адам жануарлардан жапа шегіп, медициналық көмек алған.
- Былтыр 567 ит, 164 мысық, 2 жылқы, 4 сиыр, 7 қасқыр, 10 түлкі және 42 басқа да дала жануарлары адамдарға шабуыл жасаған. 2016 жылмен салыстырғанда қасқырлардың, түлкілер мен кеміргіштердің жоғары белсенділігі байқалды. Салыстырмалы түрде 39-ға жағдайға көбейіп отыр. Жалпы жануарлар жарақаттағанда бірінші кезекте жедел жәрдем шақырту қажет. Ит қапқан соң науқас кемінде 72 сағат аралығында дәрігерлік көмек алуы тиіс. Өйткені дерт қоздырғышы осы уақыт ішінде жарақат айналасында тұрады да, сосын барып жүйке жүйесіне қарай жылжиды, - дейді Маңғыстау облыстық ауруханасы травматология және ортопедия бөлімінің меңгерушісі Жансерік Шаухымбердиев.
Венера МИРЛАН
Тағы оқыңыз: Ақтау қаласының бас жоспарына өзгеріс енгізілмек
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.