Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Маңғыстау облыстық балалар ауруханасындағы травматология-ортопедия бөлімінің қызметіне былтыр 7046 бала жүгінген, 2016 жылы бұл көрсеткіш 6637 болатын. Аталмыш бөлімде 2017 жылы 484 балаға ота жасаса, 2016 жылы 468 және 2015 жылы 399 баланы ота жасап, өмірін сақтап қалған. Бұл жайында травматология-ортопедия бөлімінің меңгерушісі Құрман Қайранов әңгімелеп берді.
- Былтыр жасалған оталардың 386-сы шұғыл түрде жасалған болса, 98-і жоспарлы түрде жасалды. Өкінішке орай, 2017 жылы 6 баланың өмірін сақтай алмай қалдық. Оның төртеуі отаға дейін, екеуі отадан кейін қайтыс болды. Былтыр біздің көмегімізге жүгінген 7046 баланың 489-ы ауылдық жерден келген балалар болатын. Жалпы былтыр 900 бала стационарлық ем алса, бұл көрсеткіш 2016 жылы 812 болатын, - дейді Құрман Қайранов.
20 жылдық еңбек өтілі бар, біліктілік санаты жоғары хирург осы уақытқа дейін 8000-ға жуық балаға ота жасап, қайта өмір сыйлаған. Қ. Қайранов - «Нұр Отан» партиясының аурухана бойынша жауапты төрағасы, кәсіподақ комитетінің белсенді мүшесі. Ақтау қаласының әлеуметтік-экономикалық дамуына қосқан үлесі үшін Ақтау қаласының әкімінің алғысхатымен, «Денсаулық сақтау саласын дамытуға қосқан үшін» Құрмет грамотасымен марапатталған.
Венера МИРЛАН
Тағы оқыңыз: Мұғалімдердің барлығының бірдей жалақысы өсе ме?
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.