Әзімов режиссер болғысы келетін жастарды іздейді

Кино саласында 40 жылдан астам тәжірибесі бар атақты режиссер, продюсер Сергей Әзімов режиссер болғысы келетін дарынды жастарды іздейді. Осыдан 6 жыл бұрын Т. Жүргенов атындағы Қазақ ұлттық өнер академиясының базасында «Кинорежиссураның жоғарғы курсы» ашылған.

Биыл «Кинорежиссураның жоғарғы курсы» үшінші рет талапкер қабылдағалы отыр. Оған мемлекеттен 4 грант бөлінді және Маңғыстау облысының әкімдігі маңғыстаулықтар үшін екі грант ұсынып отыр, – дейді кинорежиссер С. Әзімов.

Кинорежиссура шеберханасында С. Әзімов пен танымал сценарийші, жазушы, кинорежиссер Ираклий Квирикадзе кинорежиссура, монтаждау, операторлық шеберлік, дыбыс шеберлігі бойынша дәріс жүргізеді. Студенттер екі жыл ішінде кино түсірудің қыр-сырын меңгеріп шығады

Режиссер болам деушілерге қойылатын басты талап –жоғары білімінің болуы. Сонымен қатар, «Мен не үшін режиссер болғым келеді?» деген тақырыпта эссе жазуы керек. Режиссер түрлі фестивальдерге қатысып, үнемі шетелдік әріптестерімен байланыс жасайтындықтын, талапкердің ағылшын тілін білуі құпталады.

Іріктеу тамыз айының басында Алматыдағы Т. Жүргенов атындағы ҚазҰӨА өтеді. Тілек білдірушілер «Танарис» кинокомпаниясына (телефоны: 8 (7272) 75-25-45) немесе Т. Жүргенов атындағы өнер академиясының магистратура бөліміне хабарласа алады.

Камшат ОҢҒАЛТАЙ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.