«Көңілді старт» эстафеталық сайысы

Маңғыстау облысының білім басқармасының маңызды шаралар туралы жоспарына сәйкес 7 мамыр Отан қорғаушылар күніне орай 2017 жылдың 5 мамыры күні сағат 10.00-де 14 шағынаудан теңіз жағалауында Ақтау қаласының № 32 «Ақ шағала», № 34 «Болашақ», № 35 «Балдырған» балабақшалары тәрбиеленушілері  мен олардың әкелерінен құралған командалар арасында «Көңілді старт» эстафеталық жарысы өткізілді. Сайыс мақсаты – салауатты өмір салтын насихаттау, дене шынықтыруға деген балалардың қызығушылығын арттыру спортпен айналысудағы дене шынықтыру әдістерін үйрету, отбасы ынтымақтастығын дамыту, әкелердің бала тәрбиесіндегі рөлін нығайту. «Әкеге қарап ұл өсер» дегендей әке тәрбиесін алып, үлгі тұтуға тәрбиелеу. Сайысқа Білім басқармасының мектепке дейінгі бөлімнің бас маманы Еламанова Зоя Жетпісбайқызы және МОМДТмОО әдіскерлері, Ақтау қалалық білім бөлімінің маманы, Ақтау қаласының № 32 «Ақ шағала», № 34 «Болашақ», № 35 «Балдырған» балабақшалары педагогтары, тәрбиеленушілері мен ата-аналары, барлығы 80 адам қатысты. Аталған шараны Маңғыстау облысының білім басқармасының мектепке дейінгі бөлімінің бас маманы Еламанова Зоя Жетпісбайқызы сайысқа қатысушыларды мерекелерімен құттықтап, сөз сөйледі. Ақтау қалалық білім бөлімінің маманы Жауынбаева Айгерім сайыс туралы айтып өтті. Шара барысында мектепке дейінгі жастағы бүлдіршіндер сурет өнері мен спортқа деген қызығушылықтарын көпшілікке көрсетті. Шара соңында барлық балалар арнайы дипломдар және естелік сыйлықтармен марапатталды.