Ақтаулық мұғалім Нұрсұлтан Назарбаевты тойына шақырды

©

Ақтаудағы Назарбаев Зияткерлік мектебінің жатақхана меңгерушісі Нана Келехсаева  ҚР Президенті Нұрсұлтан Назарбаевты тамызда өтетін тойына шақырды,  деп хабарлайды Informburo.kz.

– Мен қазір интернат меңгерушісімін. Интернатта ауылдық жерлерден келген  132 оқушы бар, олардың бәрі талантты, –  деді ол өз сөзінде.

Нұрсұлтан Назарбаев  дәл осы мектеп  талантты жастарға арнап салынғанын атап өтті.

–  Біз 21 ғасырға көш бастайтын ел элитасын құруымыз керек.  Сол себепті зияткерлік мектептерге  өте дарынды, талантты оқушыларды тамыр-таныссыз таңдап алып жатырмыз. Олар ертең үздік университетте білім алатын болады, – деді Елбасы.

Нана Келехсаева тойының жазда өтетінін айтып, Президентті салтанатты шараға шақырды.

– Жақында мен көпбалалы отбасыға келін болып түстім. Осы сәтті пайдалана отырып, Сізді өз тойыма шақырғым келеді. Бұл біз үшін үлкен мереке болар еді, – деді қалыңдық. 

ҚР Президенті Н.Назарбаев тойдың нақты күнін сұрады, ал қалыңдық тамызда неке қию себебін үйленгелі жатқан жұптың  атасының туған күнімен тұспа-тұс келуінен деп түсіндірді.

– Құттықтаймын! Атаңа сәлем айт! Бақытты бол, – деп тілек білдірді Елбасы. 

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.