Маңғыстау облысының әкімі паромды кешеннің құрылысымен танысты

16 наурыз күні  Маңғыстау облысының әкімі Ералы Тоғжанов Қарақия ауданына жұмыс сапары барысында Құрық ауылындағы паромды кешеннің құрылыс жұмысымен танысты.

Паромның құрылысы 2015 жылдың сәуір айында басталған болатын. Осы жылдың ақпан айында бірінші іске қосу кешенінің құрылыс-монтаж жұмыстары аяқталды. Нысанның бірінші кезеңіндегі құрылыс жұмыстарына 18 435 млн. теңге жұмсалды. Қазіргі уақытта екінші кезектегі құрылысқа техникалық-экономикалық негіздегі сараптама жұмыстары жүргізілуде. Құрық портын құрайтын автокөлік өнімділігі жоспар бойынша  жылына 2 млн. тонна автомобиль тасымалын, теміржол тармағы бойынша жылына 4 млн. тоннаға дейін тасымалдауды құрайды.

​Осыдан кейін Ералы Тоғжанов «ЕРСАЙ Каспиан Контрактор» ЖШС өндірістік алаңында болып, кәсіпорын ұжымымен кездесті.

​«Ерсай» мен сервистік компания қызметкерлерінің саны 2617 адамды құрайды, оның ішінде 2154-і Маңғыстау облысы мен Қазақстанның басқа да аймақтарының тұрғындары. 

​Сондай-ақ, өңір басшысы Ералы Тоғжанов Қарақия ауданының әкімі Әділбек Дауылбаевпен ауданды одан әрі дамытудың өзекті мәселелерін, соның ішінде жұмыспен қамту, «Ақбұлақ» мемлекеттік бағдарламасын жүзеге асыру, тұрғын үй қорын жаңарту және жаңа білім ордаларының құрылысы секілді проблемаларды талқылады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.