Облыстық дін істері басқармасы өткен жылды қорытындылап, есеп берді. Басқарма басшысы Ерлан Есбергенов «Маңғыстау облысы бойынша 2016 жылы атқарылған іс-шаралар қорытындысы» тақырыбындағы баяндамасында ақпараттық-түсіндіру топтарының (бұдан әрі-АТТ) жұмыстарына тоқталды.
Департамент басшысының баяндауынша, өткен жылы өңіріміз бойынша барлық аудандар мен қалаларда ұйымдастырылған 855 шараға 161501 адам тартылған. Ал алдыңғы жылы мұндай шаралармен 50078 адам қамтылған. Облыс тұрғындарының, әсіресе жастар арасында діни сауаттылық арттырып, теріс пиғылды діни ағымдарға еріп кетудің алдын алуға бағытталған ақпараттық түсіндіру жұмыстары мектептер мен орта арнаулы және жоғары оқу орындарында, жұмыссыз жастар жәрмеңкелерінде, халық көп жиналатын орындарда, спорт секцияларында, сауда орындарында, әскери бөлімшеде, түзету мекемелерінде жүргізілді.
Жиында осынау шараларды үздіксіз өткізуге белсенді атсалысқан АТТ мүшелерінің бір тобы марапатталды. Сондай-ақ Ерлан Жұмажанұлы дін істері басқармасымен бірлесіп жұмыс жасаған белсенді азаматтарға, мемлекеттік мекемелер қызметкерлеріне, психолог және дінтанушы мұғалімдерге, әскери қызметшілерге Алғыс хаттар табыс етті.
Валентина ҚОЗЫБАҚОВА
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
