Сапалы білім – заман талабы

©

Жуырда өңірдегі «Білім са­пасын арттыру бағы­тындағы жұмыстар» барысын тал­қылауға арналған облыстық бі­лім беру қызметкерлерімен ак­тив жи­налысы өтті.

Білім беру саласының ең маңыз­ды тұстарын талдауға мүм­кіндік бе­ретін басқосуда облыс әкімінің орынбасары Б.Нұр­ғазиева сөз сөйле­ді. «Елбасымыз Н.Ә.Назарбаев «Нұрлы жол – болашаққа бастар жол» атты Қа­зақстан халқына Жолдауында әлеуметтік саланы жетілдіруге ерекше көңіл бөлуді тапсырды. Заман талабына, уақыт өлшеміне сай қабылданған заңнамаларға жете мән беріп, оның жүзеге асуын, талапқа сай жаңарып тұруын Президент бір сәт назардан тыс қалдырған емес. Соның дәлелі, Мемлекет бас­шысының Жарлығымен ҚР-да білім беруді дамытудың 2011-2020 жылдарға арналған мемлекет­тік бағдарламасының қабылдануы. Өңір­де 2011 жылдан бері 12 жаңа мек­теп салынды, апатты жағдайда тұр­ған және үш ауысыммен жұмыс істейтін мектептер санын азайтуға іргелі жұмыстар атқарылуда» - деді ол. Алдағы уақытта Ақтау қа­ласында ашылатын «Назарбаев зияткерлік мектебіне» білім алушыларды қабылдау конкурсының өту барысына назар аударып, бірнеше ұстазға  «Назарбаев зияткерлік мектептері» ДББҰ Педагогикалық шеберлік орталығының сертификатын табыстады. Білім беру ұйымдарындағы са­нитарлық-ағарту жұмыстары жө­нінде облыстық тұтынушылардың құқықтарын қорғау департаменті директоры М.Қадыр баяндама жасады. «Облыс бойынша апатты жағдайда тұрған 2 мектеп Қара­қия ауданында орналасқан. Білім ошақтарының мәселесін шешу мақсатында республикалық бюджет есебінен қаржы бөлініп, құрылыс жұмыстары жүргізілуде. 2015-2016 оқу жылында іске қосылады деп жоспарланған. Өңірде үш ауысым­мен оқытатын үш мектеп, атап айтсақ, Бейнеу ауданында Атамекен орта мектебі, Мұнайлы ауданында №7 орта мектеп, Түпқараған ауданында Өмірбаев атындағы орта мектеп бар. Бұл бағытта, яғни үш ауысымдық оқытуды қысқарту мен жою мақсатында нақты жұмыстар жолға қойылған», - деді ол. Бұдан өзге облыстық дін істері басқармасының басшысы Е.Есбергенов білім беру ұйым­дарындағы діни экстремизмнің ал­дын алу жөнінде істелген іс ша­раларға тоқталды. Өңірлік бі­лім басқармасы бастығының орынбасары З.Тастемірова білім сапасын арттыру бағытындағы жұмыстар ретін және ұлттық бірыңғай тестілеуге дайындық ба­рысын баяндап, жылдық көр­сеткіштермен жүйелеп, өзекті мә­селелер бойынша өз ойын ортаға салды. Кәсіп­тік және техникалық білім беру ұйымдарының дуальдық оқыту жүйесі бойынша әлеуметтік серіктестіктерімен байланысы турасында кәсіптік және техникалық білім беру ұйымдары директорлары ке­ңесінің төрағасы Б.Әліпбаева  сөз сөйледі. Жиын соңында Б.Нұрғазиева білім сапасын арттырудың басты бағыттары бойынша талдау жасап, сала басшыларына нақтылы тапсырмалар берді.

Голрох ЖЕМЕНЕЙ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.