Айсұлу Дутбаева Мемлекеттік қызмет істері агенттігінің МО бойынша департамент басшысымен кездесті

"Маңғыстау Медиа" ЖШС басшысы Айсұлу Қабышқызы ҚР мемлекеттік қызмет істері бойынша Агенттігінің Маңғыстау облыстық департамент басшысы Тоқтамыс Жұмағұловпен кездесті, деп хабарлайды mangystaumedia.kz.

Кездесу барысында президенттік жастар кадр резервіне іріктеу жүріп жатқаны жөнінде сөз болды.

"Маңғыстау Медиа" ЖШС директоры Айсұлу Дүтбаева маңғыстаулық жастарды бұл мүмкіндікті қолдануға шақырады.

«PKREZERV.GOV.KZ» ТІРКЕЛУ БОЙЫНША НҰСҚАУЛЫҚ

Ең алдымен 2021 ЖЫЛҒЫ 1–30 ҚЫРКҮЙЕК аралығында PKREZERV.GOV.KZ сайтына тіркеліп, өтініш беру керек. Ол үшін үміткерге келесі қадамдарды орындау қажет:

1️⃣ «PKREZERV.GOV.KZ» сайтына өтіп, «Тіркелу» батырмасын басу.

2️⃣ Ашылған нысанда тіркеу деректерін толтырып, Пайдаланушы келісімінің шарттарымен танысып, оны қабылдау және электрондық-цифрлық қолтаңбамен қол қою.

Сәтті тіркелгеннен кейін үміткерге ЖСН мен көрсетілген пароль бойынша кіру қолжетімді болады.

3️⃣ Содан кейін үміткер сауалнамасын толтыру қажет. Бірақ алдымен ЖСН мен тіркелу кезінде көрсетілген пароль бойынша авторизациядан өту қажет.

4️⃣ Ашылған үміткердің жеке кабинетінде қолжетімді болатын «Менің сауалнамам» бөліміне өту.

5️⃣ Қажетті ақпаратты көрсетіп, растайтын құжаттарды тіркегеннен кейін «Сақтау» батырмасын басу.

Одан кейін барлық көрсетілген ақпарат үміткердің сауалнама бөлімінде сақталады.

6️⃣ Келесі қадам – іріктеуге қатысуға өтінім беру.

Айта кетейік, іріктеуге қатысуға өтінімді үміткердің сауалнамасын толтырғаннан кейін ғана жібере аласыз. Ол үшін жеке кабинеттегі «Менің сауалнамам» бөліміне кіріп, «Іріктеуге қатысу» батырмасын басу керек. Таңдалған әрекетті растағаннан кейін қатысуға өтінім жіберіледі.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.