Жаңаөзенде екі полицейді балағаттаған тұрғынға қатысты сот үкімі шықты, - деп хабарлайды mangystaumedia.kz сайты.
Жаңаөзен қалалық сотында Е-ге қатысты ҚР КК-нің 378-бабының 1-бөлігімен қылмыстық іс қаралды.
Сотта анықталғандай, Е. Жаңаөзен қаласы «Шаңырақ» шағынауданында орналасқан Жаңаөзен қаласы ПБ-ның қызметтік бөлмесінде өздерінің қызметтік міндеттерін атқарып жүрген полиция қызметкерлері К. және Ж-ны балағаттап, ар-намысына тиетін сөздерді айтқан.
Соттың үкімімен Е. Қазақстан Республикасы Қылмыстық кодексінің 378-бабының 1-бөлігінде көзделген қылмыстық теріс қылықты жасауда кінәлі деп танылып, оған 40 сағатқа қоғамдық жұмысқа тарту жазасы тағайындалды.
Үкім заңды күшіне енді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
