Маңғыстаулық спортшы Азия пара ойындарының күміс жүлдесіне ие болды

Қазақстан командасы Ханчжоуда өтіп жатқан Азия пара ойындарында параволейболдан күміс медаль жеңіп алды, деп хабарлайды mangystaumedia.kz.

ҚКО хабарлауынша, Қазақстан құрамасында маңғыстаулық спортшы Ерболат Алтаев өнер көрсетті. Жаттықтырушылары Құралбек Сейдов және Нұралы Құлушов.

Ерболат Алтаев - Халықаралық дәрежедегі спорт шебері, ҚР чемпионы.

Алтын медаль үшін тартысты ойында Қазақстан құрамасы Иран командасына есе жіберді.

Естеріңізге сала кетейік, волейболды отырып ойнаудан Қазақстан құрамасы Азия чемпионатында келесі жылы Парижде өтетін Паралимпиадаға жолдама алған болатын.

Сондай-ақ, IV жазғы Азия Пара ойындарына маңғыстаулық халықаралық дәрежедегі төреші Аян Рахметов төрешілік етті.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.