Маңғыстау облысында каратэ шинкиокушинкайдан балалар мен жасөспірімдер, жастар мен қыздар арасында облыс чемпионаты алғаш ұйымдастырылды, деп хабарлайды mangystaumedia.kz.
Облыстық дене шынықтыру және спорт басқармасының баспасөз қызметінің мәліметінше, аймақ біріншілігіне 200-ден астам спортшы қатысқан. Бұл сын Маңғыстау облысының дене шынықтыру және спорт басқармасының, Маңғыстау облысы каратэ шинкиокушинкай федерациясының қолдауымен ұйымдастырылып отыр.
Жарыстың ашылу салтанатына Маңғыстау облысының мәслихат төрағасы Матаев Жаңбырбай Жәнібекұлы, Маңғыстау облыстық мәслихат депутаты,Маңғыстау облыстық дзюдо федерациясының вице-президенті, Нұрлыбек Адеков, Республикалық каратэ шинкиокушинкай федерациясының вице президенті Бақытжан Ибраев, Республикалык каратэ шинкиокушинкай федерациясы Президентінің кеңесшісі Ақмырза Кенжебаев арнайы қатысты.
Жарыс нәтижесінде Атырау қаласында 23-25 ақпанда өтетін шинкиокушинкайдан ел чемпионатына облыстан 44 спортшы іріктелді.
Шинкиокушинкай каратэсі - жылдан жылға қарыштап дамып келе жатқан спорттың танымал түрі. Каратэнің бұл түрінде спорттық кездесулер (кумитэ) қорғаныш жабдықтарынсыз, яғни шлемдер мен қолғаптарсыз өтеді. Ойын барысында қойылатын басты талаптың бірі- қолмен соғуға тыйым салынған.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
