Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
The Ring журналы жариялаған рейтингте әлемнің үздік боксшылары қатарына қазақстандық Геннадий Головкин енген жоқ. Ол бұған дейін барлық салмақ бойынша жасалған тізімде ондықтың бел ортасынан орын алған еді, деп хабарлайды mangystaumedia.kz.
Жаңа тізімде Американың Теренс Кроуфорд, Девин Хейни, Эррол Спенс, Джервонта Дэвис, Теофимо Лопес, Джесси Родригес сынды кәсіпқой бокс шеберлерімен бірге, украиналық Александр Усик, мексикалық Сауль Альварес, ресейлік Дмитрий Бивол, жапон боксшысы Ноуя Иноуэ есімі аталды.
Қырық бір жастағы Геннадий Головкин бұған дейін әлемнің үздік он боксшысы арасында бесінші орынға тұрақтағаны белгілі. Ол 2022 жылдың қыркүйек айында мексикалық Сауль Альвареспен айқасқа шыққан соң жекпе-жек өткізбеген. Алдын ала болжам бойынша GGG енді бір ғана жекпе-жек өткізіп, кәсіпқой бокстағы мансабын аяқтауы мүмкін екені белгілі болды. Кейбір деректерге қарағанда ол бұл сынды Қазақстанда өткізуді көздейді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.