Ақтаулық футболшы Ресей клубына маңызды жеңіс әкелді

Футболдан Ресей кубогының суперфиналында ақтаулық Нұрәлі Әліп командасы үшін жеңіс голын соқты, деп хабарлайды mangystaumedia.kz.

Көрші елдің кубок бәсекесінің финалында «Зенит» пен «Балтика» кездескен еді. Аталған ойынның 95-минутында Қазақстан ұлттық құрамасының қорғаушысы Нұралы Әліп командасын алға шығарды.

Финалдық матч Мәскеудегі «Лужники» стадионында өтті. Бірінші таймда Алекс Фернандес (40-минутта) «Балтиканы» алға шығарған. Мұнан кейін калининградтық клуб қорғанысқа жатып алып, 81-минутқа дейін уақыт созуға тырысқан. Алайда, «Зениттің» бразилиялық легионері Нино матчтың аяқталуына 10 минут қалғанда есепті теңестіріп кетті.

Ал төреші қосқан қосымша минутта Нұралы Әліп Санкт-Петербург командасына жеңіс әкелді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.