Ақтаулық «Атриум» футбол командасы Молдовада жеңіске жетті

Ақтаулық «Атриум» командасы Молдовада өткен «Socca Eurocap» футбол жарысының жеңімпазы атанды. Финалдық матчта «Атриум» командасы Хорватия құрамасын 3:0 есебімен жеңді, - деп хабарлайды mangystaumedia.kz сайты.

Ақтау қаласы әкімдігі баспасөз қызметінің мәліметінше, футбол командасы бұған дейін плей-оффта Оман (3:0), Германия (буллит бойынша 2:1) және Испанияны (2:1) ұтты. Ал топ бойынша Бельгия (9:2), Оман (3:2), Кипр (5:1) және Италиядан (3:0) басым түсті.

Құрамы сапындағы спортшылар:
Еркін Сәдуов, Талғат Өтепбергенов, Нұрлыбек Досжанов, Бекруз Пишкар
Ерлан Каракулов, Жанболат Нұргазиев, Алтынбек Мұрзабеков, Айсұлтан Жолдыбаев, Абай Елемесов, Бауыржан Исмаилов, Серік Мажитов, Исламбек Кулекенов, Артем Аншаков, Темірлан Адилов, Есіркеп Сынабаев.

Айта кетейік, ақтаулық «Атриум» командасы былтыр «Socca world cup - 2023» халықаралық турнирінде әлем чемпионы атанған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.