Ақтауда жүгіру марафоны өтеді

Ақтауда 12 мамыр күні «BAYTAQ» жасылдар партиясы Маңғыстау облыстық филиалының ұйымдастыруымен «Aktau Spring Run – 2024» көктемгі жүгіру жарысы өтеді. Партия салауатты өмір салтын ұстанатын тұрғындарды жарысқа шақырады, - деп хабарлайды mangystaumedia.kz сайты.

Жеңіл атлетикадан шара 2 км, 3 км, 5 км, 10 км және 21,1 км қашықтықта ұйымдастырылады.

Спорттық шарада қауіпсіз жол, серіктестердің сыйлықтары, балалар старты, концерттік бағдарлама, спорттық шеберлік сабақтары, тақырыптық жарыстар болады.

Жарысқа 10 жастан 70 жасқа дейінгі облыс пен көршілес аудандардың тұрғындары қатысады. Жалпы 1000-нан аса адам қатысады деп күтілуде.

Медальді әр қашықтық бойынша мәреге қатысушылардың барлығы алады. Ал әйелдер мен ерлер арасында Олимпиадалық қашықтық бойынша жалпы есепте үздік үштікке енген қатысушылар ақшалай сыйлықтарға ие болады. Жас санаты бойынша әртүрлі қашықтықта сынға түскен қатысушыларға "Caspian Marathon" брендтік өнімдері мен серіктестерінің бағалы сыйлықтары беріледі.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.