Гена мен Канелоның келесі жекпе-жегі қашан өтетіні белгілі болды

Лас-Вегастың T-Mobile аренасында өткен бокс кеші тең нәтижемен аяқталды. Головкин мен Альварес рингте реванш өткізетінін мәлімдеді.

ҚазАқпарат хабарлауы бойынша, Головкин мен Альварес кездесуі келесі жылы өтуі мүмкін.

Мексикалық боксшы Сауль Альварес биыл ешбір жекпе-жек өткізбейтінін мәлімдеді.

«Биыл жыл соңына дейін демаламын. Егер реванш болып жатса, ол келер жылдың мамыр немесе қыркүйек айлары болады. Оның нақты қашан өтетінін айта алмаймын, бір ғана нақты білетінім — Канэлоның дәуірі келді», — деп атап өтті бүгін Головкинмен айқасынан кейін өткен баспасөз мәслихатында Альварес.

Оның промоутері Оскар Де Ла Хойя келісімнің реваншқа қатысты шартын міндетті түрде пайдаланытынын мәлімдеді. Айта кетейік, бүгін АҚШ-тың Лас-Вегас қаласында өткен жекпе-жекте қазақстандық боксшы Геннадий Головкин мен мексикалық Сауль Альварес тең түсті.

Әлемге танымал боксшылар Головкинді жеңді деп есептейді. Көпшілік жұрт 118-110 есебімен жеңісті «Канелоға» беріп қойған төреші — Аделаида Бердтің шешіміне наразы. Аталмыш жекпе-жекте жеңімпаз анықталмағанымен, GGG барлық белбеулерін (WBA (Super), WBC, IBF және IBO тұжырымдары бойынша) сақтап қалды. Қазақстандық боксшы реванш өткізуге дайын екенін жеткізді.

Дереккөз: Sportportal.kz

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.