Талдықорған қаласында 25-28 наурыз аралығында джиу-джитсудан өткен Қазақстан Республикасы Чемпионатында 16 маңғыстаулық спортшы жүлде алды, - деп хабарлайды mangystaumedia.kz.
Ересектер арасында Атакелді Есетов 56 келі салмақта (неваза), Жәнібек Әбу-Бәкір 62 келі салмақта (файтинг), Дархан Нортаев 62 келі салмақта (неваза), Мөлдір Мекенбаева 52 келі салмақта (неваза), Алия Тлепова 63 келі салмақта (файтинг) алтын жүлдені қанжығаға байлады. Тұрар Рысқұлов 85 келі салмақта (файтинг), Абаев Азамат +94 келі салмақта (файтинг), Айбану Нигматуллаева 57 келі салмақта (файтинг) ІІ орын алса, Мағжан Амандықов 56 келі салмақта (файтинг) , Конысов Куандык 56 келі салмақта (неваза), Қанатбай Сабыржан 62 келі салмақта (файтинг), Максим Төребай 77 келі салмақта (файтинг), Гауһар Жаңабергенова 57 келі салмақта (неваза) қола медаль иеленді.
Ал жастар арасында файтинг жүйесі бойынша Нұрбек Закарин 77 келі салмақта қола медаль алса, Айбек Закарин Айбек 69 келі салмақта және Мирас Аманқос 77 келі салмақта ІІІ орын иегері болды.
Ел біріншілігінде топ жарып, І орын алған джитсерлер Абу Дабиде өтетін Әлем чемпионатына жолдама алды.
Махаббат НҰРЖАНҚЫЗЫ
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
