13 наурыз күні кешкісін маңғыстаулық жанкүйерлер Токиода өтетін Олимпиада жолдамасын иеленген Бекзат Нұрдәулетовты Ақтау әуежайынан күтіп алды, - деп хабарлайды mangystaumedia.kz сайты.
«Жарыс өте жоғары деңгейде әрі тартысты өтті. Бапкерлерімнің айтқан тапсырмаларын тиянақты орындап, әр жекпе-жекке үздіксіз дайындалған едік. Соның нәтижесінде алтыннан алқа тағып, Олимпиадаға жолдама алдым. Бапкерлеріме және мені қолдаған барша маңғыстаулыққа өз алғысыды айтамын», - дейді әлем чемпионы Бекзат Нұрдәулетов.
Айта кетейік, жақында Иорданияның астанасы Амман қаласында бокстан Азия/Тынық мұхиты елдерінің аймақтық іріктеу турнирі өткен болатын. Маңғыстаулық Бекзат Нұрдәулетов 81 келі салмақ дәрежесінде сынға түсіп чемпион атанды.
Сондай-ақ Токио Олимпиадасына жолдама алған болатын.
Жұлдызай ҚАЛИЕВА
Суреттерді түсірген Серік МАЙЕМЕРОВ
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
