Каспий маңы елдерінің ІІ Халықаралық театр фестивалі өтеді

13-16 қыркүйек аралығында Ақтауда Каспий жағалауы елдерінің II Халықаралық театр фестивалі өтеді! Бұл жылғы фестиваль Н.Жантөриннің 90 жылдығына орайластырылып отыр. Оған Каспий жағалауындағы елдердің өнер ұжымдары қатысады.

Фестивальге: ? Әзірбайжан Мемлекеттік Ұлттық академиялық драма театры; ? С. Амутбаев атындағы Мензелин Мемлекеттік татар драма театры; ? Уфа Мемлекеттік «Нұр» татар театры; ? Кемине атындағы Мары Мемлекеттік драма театры; ? Билех Савар Барбод театр тобы (Иран); ? Ғ. Мүсірепов атындағы Қазақ Мемлекеттік академиялық балалар мен жасөспірімдер театры; ? Ақмола облыстық орыс драма театры; ? Н. Жантөрин атындағы Маңғыстау облыстық музыкалық – драма театры қатысады.

* Театрлар репертуарында ұлттық және әлемдік классиканың үздік туындылары бар. * ҚР Мәдениет және спорт министірлігінің қолдауымен өтетін фестивальдің құрылтайшысы Маңғыстау облысының әкімдігі және Халықаралық түркі мәдениеті ұйымы – ТҮРКСОЙ.

* Шараның ашылу рәсімі 13 қыркүйек күні сағат 20.00-де теңіз жағалауындағы АМФИТЕАТРДА өтеді! Фестиваль аясындағы барлық шараларды көрермен тегін тамашалай алады.

Теңге БЕКМҰРЗАЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.