Түпқараған ауданының 25 жылдығы тойланды

Түпқараған ауданының 25 жылдық мерейтойына арналған  салтанатты жиынға обылыс әкімі Ералы Лұқпанұлы Тоғжанов қатысып, әр түрлі салада еңбек еткен еңбек ардагерлерін облыс әкімінің алғыс хатымен марапаттады. Рухани жаңғыру бағдарламсы аясында өтіп жатқан жиында аудан әкімі Т.Т.Асауов Түпқараған ауданының құрметті азаматы төсбелгісін     табыстады. Сондай-ақ ауданымыздың әлеуметтік-экономикалық дамуына үлес қосып жүрген бірқатар азаматтарға алғыс хат пен құрмет громаталарын иеленді.  Салтанатты жиыннан кейін облыс әкімі ауданымыздағы «Рухани жаңғыру» штабында болып, атқарылып жатқан жұмыстармен танысып, кәсіпкерлермен кездескен соң, облыс  әкімі батаған облыстан келген қонақтар орталық алаңдағы мерейтойға арналған шеруді тамашалады. Шеруге ауданымыздың әкімдігіне қарасты құрылымдары мен мемлекеттік қызметкерлері бастап, аудандық аурухана, білім бөлімі, ауданымыздың мақтаныштары спортшылар, аудандық «Тұлпар» әскери-патриоттық клубы, жалынды жастарымыз, мәдениет саласының, ауданымызда қызмет жасап жатқан шетелдік мекемелердің қызметкерлері мен аудандық Мұрын жырау Сеңгірбекұлы атындағы өнер мектебінің шәкірттері қатысты. Мерекелік шеруде сөз алған облыс әкімі Е.Л.Тоғжанов:«Кетік қаладан бастап, осы біздің даламыздың тарихын айтуымызға болады. Ана төбеден қарап тұрған Иса мен Досан бүкіл ата-бабаларымыздың атынан бізге қарап, бір сәлемін айтып тұрған сияқты. Сол бабаларымыздың білектің күшімен, найзаның ұшымен қорғаған бүгін мына жаңа ұрпақ білімнің күшімен еліміздің атын шығарып жатыр. Мұрын жыраудың ерекше елі алыстан бізге қол бұлғап тұрғандай, көңіл-ниетін білдіргеніндей сезім де жоқ емес. Мұның бәрі Елбасымыздың арнайы рухани жаңғыруға байланысты жарияланған мақаласының мәні деп түсінуіміз керек. Түпқараған ауданының өскені – бүкіл қазақтаң даласының өскені, Түпқараған ауданының өнгені – бүкіл еліміздің өнегі,  Түпқарағанда  желбіреген туымыз –Тәуелсіз  Қазақстанның туының желбірегені, олай болатын болса, еліміз жасай берсін, халқымыз аман болсын!» - деп, түпқарағандықтарды атаулы күнімен құттықтады. Жиналған көпшілік аудан өнерпездарының және  Қазақстан Республикасының еңбек сіңірген қайраткері,  танымал өнер иесі Клара Төленбаеваның қатысуымен мерекелік концертті тамашалады. Сондай-ақ, алаңда Социалистік Еңбек Ері І.Оразбаевтың 100 жылдығына орай  қазақша күрестен  турнир өтті. Турнирдің жеңімпаздары түйе палуандар 1 орын игері Н.Жарылғапов, 2 орын Ж.Таңатов, 3 орынды С.Қонаев жеңіп алып ақшалай сыйлықтармен марапатталды. Ал кешке сағат 20-ден бастап аудан тұрғындары мен қонақтары еліміздің өнер жұлдыздары Ғ.Жаңай, Б.Қорған, Б.Қошқалиев, «Шамшырақ» топтарының әндерін тыңдап, мерекелік отшашуды тамашалай алады.

Жадыра ЖОЛДАСОВА

Суреттерді түсірген Серік МАЙЕМЕРОВ

[gallery td_select_gallery_slide="slide" ids="38968,38979,38978,38976,38977,38971,38972,38973,38974,38975,38970,38969"]