Қарақияда көші-қон саласындағы заңнаманы бұзған адамға әкімшілік жаза тағайындалды

© ашық дереккөзден алынды

Қарақия аудандық сотында ӘҚБтК-нің 517-бабының 4-бөлігімен Түркия Республикасының азаматы Е.-ге қатысты әкімшілік құқық бұзушылық туралы іс қаралды, деп хабарлайды mangystaumedia.kz.

«Сотта Түркия Республикасының азаматы Е.-ның Қазақстан Республикасының аумағына 02.04.2024 жылы келіп, заңнамада белгіленген мерзім өткеннен кейін он тәуліктен асатын кезең ішінде кетуден жалтарып, Қазақстан Республикасының халықтың көші-қоны саласындағы заңнамасын қасақана бұзғаны анықталды», деп жазылған хабарламада.

Сот қаулысымен Е. ӘҚБтК-нің 517-бабының 4-бөлігімен кінәлі деп танылып, оған 92 300 теңге айыппұл салу түріндегі әкімшілік жаза тағайындалды.

Қаулы заңды күшіне енген.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.