Темекі сатқаны үшін айыппұл салынды

     Маңғыстау облысының кәмелетке толмағандардың істері жөніндегі мамандандырылған ауданаралық сотында азаматша М-ға қатысты әкімшілік құқық бұзушылық туралы іс қаралды. Іс құжаттарына сәйкес, құқық бұзушы М., 1 шағын ауданында орналасқан «Арман» дүкенінде сатушы бола тұра, 2015 жылдың 11 қараша сағат 20:00 шамасында кәмелетке толмаған 2000 жылдың 08 қазанында туылған В-ға оның кәмелетке толған-толмағанын анықтамастан, «ЛД Экстра» темекісін сатқан. Құқық бұзушының әрекеті он сегіз жасқа толмаған адамға темекі бұйымдарын сату үшін жауаптылық көзделген, Қазақстан Республикасының Әкімшілік құқық бұзушылық туралы Кодексінің 133 бабының 1 бөлігімен дәрежеленген. Сот отырысында Б.Р. өзінің кінәсін мойындап, жасаған әрекетіне өкінетінін білдірді. Осы Кодекстің 55-бабының 2-бөлігіне сәйкес әкімшілік жаза әділ, құқық бұзушылықтың сипатына, оның жасалу мән-жайларына, құқық бұзушының жеке басына сай келетін болуға тиіс. Жеке тұлғаға әкімшілік жаза тағайындаған кезде сот кінәлі тұлғаның жеке басын, оның өз кінәсін мойындайтынын, істеген іс-әрекетіне өкінетінін, жанұялық жағдайын, асырауында кәмелетке толмаған екі баласы барлығын, яғни оның ауыр материалдық жағдайын және жауаптылықты ауырлататын мән-жайлардың жоқтығын ескеріп, ҚР ӘҚБтК-нің 819-бабының 2-бөлігіне сәйкес әкімшілік айыппұл сомасын 30%-ға қысқаруға болады деп санады Сот қаулысымен құқық бұзушы Б.Р. Қазақстан Республикасы Әкімшілік құқық бұзушылық туралы Кодексінің 133-бабының 1-бөлігімен кінәлі деп танылып, оған осы баппен жиырма айлық есептік көрсеткіш көлемінде барлығы 39 640 теңге айыппұл түріндегі әкімшілік жаза қолданылсын, Қазақстан Республикасы Әкімшілік құқық бұзушылық туралы Кодексінің 819-бабының 2-бөлігіне сәйкес әкімшілік айыппұл сомасы 30 пайызға қысқартылып, 27 748 теңге айыппұл салынды. Сот қаулысы заңды күшіне енді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.