Кәмелетке толмағандардың түнгі уақытта ойын –сауық мекемелерінде болуына жол бергені үшін айыппұл салынды

   Маңғыстау облысының кәмелетке толмағандардың істері жөніндегі мамандандырылған ауданаралық сотында азаматша К-ға қатысты әкімшілік құқық бұзушылық туралы іс қаралды. Іс құжаттарына сәйкес, құқық бұзушы К. 25 қараша 2015 жылы сағат 22.15 шамасында кәмелетке толмаған 10.12.1999 жылы туылған Н. Ақтау қаласы, 7 шағын ауданында орналасқан «Дейст» мейрамханасында түнгі мезгілде заңды өкілдерінің ертіп жүруінсіз түнгі уақытта жүргені анықталды. Сот отырысында К өзіне тағылған кінәні толық мойындап, әкімшілік құқықбұзушылық туралы хаттамадағы мән-жайды қуаттады. Сот қаулысымен Қазақстан Республикасының азаматша К. Қазақстан Республикасының ӘҚБтК-нің 132 бабының 1 бөлігімен кінәлі деп танылып, әкімшілік жаза ретінде 30 айлық есептік көрсеткіш мөлшерінде - 59 460 теңге әкімшілік айыппұл жазасы тағайындалды.

Сот қаулысы заңды күшіне енген жоқ.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.