Көліктердің соқтығыс салдарынан жолаушының денсаулығына зиян келтірілді

Маңғыстау облысы Мұнайлы аудандық сотында Р. қатысты ҚР ӘҚБтК-нің 610 бабының 2 бөлігімен берілген ісі қаралды.

Іс бойынша, 10 мамыр  2017 жылы сағат 16.00 шамасында Мұнайлы ауданы, Қызылтөбе селосы, Ынтымақ кентінде орналасқан «МаңғыстауМұнайГаз» АҚ-ның базасы мен «Бердиев» ЖК-нің газ құю бекетінің ортасында орналасқан орталық тас жолда жүргізуші А.Д.Укибаева «Hyndai Elantra» маркалы мемлекеттік белгісі 847 DLA/12 көлік құралын басқарып басты жолға шығу барысында, Қызылтөбе ауылы бағытынан №17 шеп бекеті бағытына қарай басты жолмен қозғалып келе жатқан жүргізуші К.басқаруындағы «Volkswagen Passat» маркалы мемлекеттік белгісі 288 CKA/12 көлік құралымен соқтығысып, жол – көлік оқиғасын жасаған, нәтижесінде «Volkswagen Passat» маркалы автокөліктің бүлінуіне және осы көліктің жолаушысы М. денсаулығына зиян келтірген.

25.05.2017 жылғы соттың қаулысымен, Р. ҚР-ның ӘҚБтК-нің 610 бабының 2 бөлігімен кінәлі деп танылып, оған осы бап бойынша 15 (он бес) айлық есептік көрсеткіш мөлшерінде 31 815 (отыз бір мың сегіз жүз он бес) теңге айыппұл салу және 1 (бір) жыл мерзімге көлік құралын басқару құқығынан айыру жазалары қолданылды.

Мұнайлы аудандық сотының баспасөз қызметі

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.