Азаматтық парыз

©

Ел болып қалыптасу кезеңінде ұлттық әскер күштері азаматтардың еңсесін тіктеп, еркіндігін кеңейтіп, аянбай еңбек етуде. Әскеріміз жаңарып, оның күш-қуаты жылдан-жылға нығаюда. Бұл күн – қайсар мінезді ата-бабамыздың жауынгерлік дәстүрінің заңды жалғасын тапқан күні. 7 мамыр – Отан қорғаушылар күні. Қазақстан Республика­сының Отан қорғаушылар күні – бұл еліміздің қорғаныс қабілетінің кемелденгенін білді­ретін мереке. 1991 жылы 25 қазанда Қазақстан Президентінің Жарлы­ғымен Қазақ КСР-­нің мемлекет­тік Қорғаныс комитеті құрылды. Кейін республиканың қорғаныс мәселелерін толық түрде жеке шешуіне байланысты Қорғаныс коми­теті Қазақстан Республикасының Қорғаныс министрлігі болып қайта құрылды. Әрбір ер­азаматтың қасиетті па­рызы әрі міндеті – Отан қорғау! Өйткені Отан қорғаушыға мемле­кеттің, әрбір қазақстандықтың қа­уіпсіздігін сақтау, ел шебін көздің қарашығындай күзету сенімі жүк­телген. Мұндай зор сенімге лайық болу, оны абыроймен атқару – әр ер­азаматқа сын. Сондықтан ондай сынға тек ерік­-жігері күшті, қажыр­-қайраты мол, патриоттық сезімі ұшан­-теңіз жандар ғана төтеп береді. Еліміздің айбынды әскері бүгінгі күні Қазақстан халқының игілігі жолында бейбітшілікті әуеде, құр­лықта, теңізде қорғауға үлес қосып, Отанымыздың қорғанысын нығай­туда. Қастерлі Отанды қорғау – әрбір азаматтың қасиетті борышы. Халқымыздың толайым тарихын­ да әр ғасырдың бедер­-белесінде туған ел мен жерді көздің қара­шығындай қорғауда ерліктің ерен үлгісін көрсетіп, ұрпақтың азат өмірі үшін жанын пида еткен ата­-бабаларымыздың өшпес даңқы мәңгі жасай бермек. Тәуелсіздігін жариялаған күннен бастап респу­бликамызда елдік рух, патриоттық тәрбие ең маңызды мемлекеттік мәселе ретінде қолға алынды. Бү­гінгі таңда егемен Қазақстан за­манауи қару­-жарақ пен құралдарға ие айбынды әскері бар қуатты елге айналды. Батыр бабаларымыздан ұлан­ұрпаққа мирас болған кең­ байтақ қазақ даласының қай қиыры да қисапсыз төгілген қан мен құрбан болған жанның, қаһармандық ер­лік істердің арқасында ел игілігіне айналып отыр. Мереке қарсаңында елді, жерді қорғап жүрген сарбаз­дардың тыныс­тіршілігіне үңілдік. Маңғыстау облыстық қорғаныс іс­тері жөніндегі департаментіне бас сұққан болатынбыз. Аталған департаментте жұмыс қызу. Мұнда мерзімді әскер қатарына жоспарға сәйкес әскери құрылым­дар мен бөлімдерге нарядқа сәйкес кестемен жіберу жұмыстары жүргі­зіліп жатыр. Қазіргі таңда шекара қызметіне – 99, қарулы күштерге – 280, ұлттық ұланға 230 сарбаз жі­берілу көзделуде. Мамандар әскери борышты өтеуге ниеттілер саны аз дейді. Отанын қорғауға аттанған әрбір сарбазды осы мекемеден ата­аналарымен, туған­-туысымен кез­дестіріп, сарбаздарға ақ жол тілеп, ардагерлерді  шақырып, мектептегі «Жас сарбаз» клубымен ұйымдасып «Әскерге шақырылған сарбаздың күні» атты шара өткізіледі. Об­лыстық әкімдік пен мәдениет бас­қармасының қолдауымен концерт­тер де ұйымдастырылып тұрады. Біздің бағытымыз – жастарға әскери­-патриотттық тәрбие беріп, олардың әскери оқу орындарында білім алып Отан қорғау тәрбиесінде бағыт беру. Салыстырмалы түрде алатын болсақ, еліміз бойынша әскери оқу орындарына оқуға түсу аясында Маңғыстау жастарының қызығушылығы төмен, – дейді Маң­ғыстау облыстық қорғаныс істері жөніндегі департамент бастығы­ның тәрбие, идеология, әскери-пат­риоттық жұмыстар жөніндегі орын­басары Қуандық Бердіғалиев. – Әскери қызмет – жауапкершілігі мол сала. Әскери қызметші қашан, қайда қызмет атқаратынын біл­мейді. Себебі бұйрық келген кезде белгілі бір аймаққа жету қажет бол­са, сонда баруға міндетті. Әскери қызметші осындай талаптарға сай болу қажет, – деді ол. Департаментте мереке күндері де аталып өтіледі. Жақында 1 мамыр Қазақстан халқының бірлігі күнінде әр бөлім ұлтқа бөлініп, сол елдің тұрмыс-­тіршілігін бейнелеп, ұлт­тық киімдерін киіп, салт­-дәстүрін көрсеткен іс-­шара өтті. Қазіргі таңда барлық мектептерде «Жас сарбаз» клубы ашылған бола­тын. Аталған клуб өскелең ұрпаққа тәлім­-тәрбие берумен қатар ұлттық, мәдени құндылықтарды үйрету жо­лында аянбай еңбек етуде. АӘД пәнінің мұғалімі «Жас сар­баз» клубының жетекшісі болып табылады. Клубта білім алатын оқушыларға куәлік беріледі. Об­лыс әкімі, аудан әкімі орынбасар­ларының қатысуымен жиын өткен болатын. Бас қосуда «Жас сарбаз» бөлмелерінің жаңа оқу   жылы­на дайындық ретінде жаңа талап­тарға сәйкес жөндеу жұмыстары қарастырылады деп күтілуде. Со­нымен қатар «Сарбаз» журналын­да «Жас сарбаз» клубтарына ар­нап қосымша бет шығарылуда. Әр өңірдің әскери тыныс­-тіршілігі шы­ғатын журналдан балалардың ала­ры мол. Бұл жас буынның әскери қызметке деген қызығушылығын арттырып, патриоттық тәрбие беру негізінде алары мол болмақ. Жур­нал арқылы жастар республикадағы басқа да жастармен тәжірибе алма­сып, үйренгендері мен түйгендерін ортаға салмақ. Клубтың атқарып жатқан жұ­мыстары аз емес. «Жас сарбаз» клубы мектеп ұжымымен  бір­лесіп ардагерлерге арнап іс­-шара­лар ұйымдастырып тұрады. Ар­дагерлермен жастар кездесіп, ашық әңгімелер жүргізеді. Ақсақалдар жастарға соғыс кезіндегі көрген қиыншылықтарымен бөлісіп, олар­ды қызықтырған сұрақтарына жа­уап береді. Клуб оқушыларының арасында сайыстар өткізіліп, оқушылар зор қызығушылықпен белсенді атсалы­ сады. «Айбын» патриоттық сайы­сы өткен­ді. Сайыс қорытындысы бойынша Ақшұқырдағы мектеп-лицейі бірінші орынға лайықты деп танылды. Аудандық, қалалық, облыстық деңгейде өткен жарысқа өңірдің барлық мектептері белсенді қатысты. Қазір 5 қыз бала, 10 ер бала 17–22 маусым аралығында өтетін республикалық деңгейде сайысқа дайындалу үстінде. Сайыс түрлі бөлімдерден тұрады. Топтық, жеке болып өзара бақ сынасады. Әскери спорттық іс­-қимылдарды көрсетіп, Қазақстан тарихы және робототех­ника бойынша сайыспақ. Мұнда сонымен қатар Қорғаныс министрлігіне қатысты ардагерлер­ге арналған бөлме бар. Бөлме тұнып тұрған тарих дерсіз. Сөрелерде түрлі өткенді бейнелейтін сурет­тер, кітаптар орналасқан. Аталған бөлмеде ардагерлердің қатысуымен түрлі іс­-шаралар өткізіліп, оларға құрмет көрсетіледі. – Облыста ар­дагерлер де санаулы. 9 мамыр ме­рекесіне орай ардагерлерімізге құрмет көрсетіліп, қал-­жағдайын білуге арнайы барамыз. Сұрапыл қан майданда қолына қару алып, жауға қарсы шыққан кешегі сар­баз, бүгінгі ардагерлердің өмірі жас буынға патриоттық тәрбиенің ма­ңыздылығын түсіндірері анық, – дей­ді Қ.Бердіғалиев. – «Ерлік сабағы» атты дәріс уақы­тылы өткізіледі. Дәрісті АӘД мұға­лімдері, мектеп ұжымы бірігіп ұйымдастырады. Дәріске ауған со­ғысы, Чернобыль соғыс ардагер­лері, Қарулы күштерінің ардагерлері қатысады. Олар жастарға әскери өмірден алған әсерін, тәжірибесін айтып береді. Қазіргі жастар өте білімді. Кездесу кезінде жастар тара­пынан сұрақтар қойылады. Олар же­ңіл сұрақтармен шектелмейді. Қиын сұрақтар қояды. Жастарға ардагер­лермен бетпе­-бет кездесу өте ұнайды. Мектеп оқушылары кездесу аясында ардагерлердің өмірбаянын, ерлігін суреттей отырып кітапша шығарып, қарттарға тарту етті. Ардагерлер өмірін оқып бергенде, қариялар шек­сіз қуанды, – дейді Ауған соғысының ардагері, подполковник А.Утегенов.

Зухра ӘБДІЛ-САТТАР