Тәуелсіздік құрдастары

©

«Тәуелсіздік – тәңірден келген тәтті сый», ол даусыз. Еліміз егемен ел болып, етек-жеңін жиғалы да жиырма жеті жыл болды. Тәулсіздікті алғалы ширек ғасырдан өтсе де, жеткен жетістігігіміз тау төбе. Жетеріміз одан да көп. Осынау ғылым мен техника қарыштап дамыған заманда ұлттық болмысымызды сақтап қалу басты назарда. Бұл тұста соңғы екі жылда елбасының «Рухани жаңғыру», «Ұлы даланың жеті қыры» мақалаларын айтпай кетпеске болмас. Ағымдағы аяқ басқалы тұрған жылдың да «Жастар» жылы деп аталуы бекер емес.

Осы тұста, тәуелсіздікті іңгәлаған дауысымен қарсы алған сәбилер, бүгінде жастықтың белінен асып, жалындаған шағында. Қазіргі таңда он төрт жылға жуық ұрпақ тәрбилеу ісінде аянбай қызмет атқарып келе жатқан, Жаңаөзен қаласындағы №15 орта мектеп ұжымы өздері түлеткен, тәуелсіздіктің төл құрдастарымен мақтанады.

Жумабаева Мирхан Эрмуханбетовна 1991 жылдың наурыз айының үшінші жұлдызында дүниеге келген. Жаңаөзен қаласында тұрып, білім алған. Мектеп бітірген соң Ақтөбе мемлкеттік педагогикалық институтына география туризм мамандығы бойынша оқуға түсіп, 2012 жылы жоғарғы оқу орнын тәмәмдаған. Сол жылы еңбек жолын өзі түлеп ұшқан мектепте география пәні мұғалімі ретінде бастаған. Араға үш жыл салып, 2015 жылы директордың тәрбие ісі жөніндегі орынбасары болып тағайындалады. 2017 жылы Бейнеу гумманитарлық экономикалық колледжінде география пәні оқытушысы болып қызмет атқарады. Еңбек жолында біраз шәкірттің бағын ашып, қалалық олимпиада жүлдегерлерін, сонымен қатар, қала көлеміндегі қоғамдық шараларға қатысушыларды, жеңімпаздарды тәрбиеледі. Білімді ұстаз мұғалімдер арасындағы қашықтық олимпиада жүлдегері, өз кезегінде ауыл әкімінің алғыс хатына ие болған. Қазіргі таңда Жаңаөзен қалалық білім үйлестіру орталығында әдіскер қызметін атқаруда.

Наукебаев Еркинбек Ибрахимович 1991 жылы өмірге келген. Батыс Қазақстан инжинерлік гуманитарлық университетін дене тәрбиесі және спорт мамандығы бойынша бітірген. Еңбек жолын №15 орта мектепте бастамас бұрын, жергілікті басқару органдарында мемлекеттік қызметкер болып жасаған. Бес жыл еңбек өтілі бар, екінші санатты мұғалім. Еңбек жолында толағай табыстарға жетіп, Маңғыстау облыстық білім басқармасының құрмет грамотасының, ауыл, қала,облыс деңгейіндегі алғыс хаттардың иегері. Республикалық деңгейдегі екінші дәрежелі төреші, шәкір тәрбиелеу ісінде де толағай табыстарға жетуде. Қазірде шекпенінен шыққан шәкірттері волейбол ойынынан облыстық «Шұбар доп» жарысының екінші орын, республикалық мектеп лигасының бірінші орын жеңімпаздары деген атақтары бар. Осылайша, қала көлемінде спорттың дамуына үлкен үлес қосып келеді.

Улжабаева Жанар Нурмухамедовна 1991 жылдың сәуір айында дүние есігін ашқан. Жаңаөзен қаласында мектеп бітіріп, 2013 жылы облыс орталығы Ақтау қаласындағы Ш.Есенов атындағы университетті география мамандығы бойынша бітірген. Еңбек жолын білім алған алтын ұясы, қазірде бес жылдан бері аянбай еңбек етіп келе жатқан №15 орта мектепте бастаған. Соңғы екі жылында мектеп басшысының тәрбие ісі жөніндегі орынбасары қызметін атқаруда. Еңбегі еленіп, ауыл әкімінің, республикалық қоршаған ортаны қорғау ұйымының алғыс хатына ие болған. Өз кезегінде шәкірттері ғылыми жобаларда, қалалық олимпиадаларда топ жарып, бүгінде қала, облыс, республика көлеміндегі байқаулардың жүлдегерлері, дарынды 11 сыныптың жетекшісі.

Егемен еліміздің мүддесі үшін, соның ішінде, ең маңызды білім беру саласында қызмет атқарып жатқан қызметкерлерді бағалаймыз. Дәл осындай өз ісіне жауапты тұлғаларға балаларымыз бой түзейді. Білімді, жан-жақты дамыған жастары бар елдің мақсаты айқын, ғұмыры мәңгі боларына сенеміз!

 Ақниет ҚОҢЫРБАЙ Жаңаөзен қаласы №15 орта мектептің қазақ тілі мен әдебиеті пәні мұғалімі

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.