Мұнайлы қысқы маусымға дайын ба?

Мұнайлы ауданының тұрғын үй-коммуналдық шаруашылығы, әлеуметтік сала және энергетика объектілерінің 2018-2019 жылғы күзгі-қысқы кезеңге дайындық жұмыстарының өту барысын бақылау жөніндегі аудандық штаб отырысы өткізілді.

Штаб отырысына аудан әкімінің орынбасары Бейімбет Сүлейменов, ауыл мен ауылдық округ әкімдері және мемлекеттік мекемелер, кәсіпорындар қатысты.

Штаб отырысында аудандық тұрғын үй-­коммуналдық шаруашылығы, жола­ушы көлігі және автомобиль жолдары бөлімінің басшысы Берік Әбдіхалық сөз алып, Мұнайлы ауданының ау­мағында қолданыста 47 бірлік білім беру саласының, 3 бірлік мәдениет саласының, 14 бірлік денсаулық сақ­тау саласының нысандары мен 76 бірлік көп пәтерлі тұрғын үйлер бар. Жылу беру маусымына дайындық жұ­мыстары бекітілген іс­шаралар жос­парына сай кесте бойынша жүзеге асырылып жатқанын тілге тиек етті. Аудан деңгейінде шешімін таппай отырған күрделі, өзекті мәселелер жоқ. Аудан бойынша 2018-­2019 жылғы жылыту маусымына нысандар 100 пайызға дайын. Барлық әлеуметтік нысандар 2018-­2019 жылдарға әзірлік паспорттарын алуға өтініштер табыс­тады. 2018 жылдың 15-­20 қыркүйегіне дейін барлық әлеуметтік нысандарға дайындық паспорттары рәсімделіп бе­рілетіндігін баяндады.

Сонымен қатар қыс мезгілінде ау­дандық маңыздағы автокөлік жолда­рын күтіп, ұстау, қардан-­мұздан та­зарту жұмыстарын жүзеге асыру үшін 150 текше метр құм және 10 тонна арнайы жолға төселетін тұз өнімдері «Маңғыстау жылу» МКК-­ның базасында сақтаулы тұр. Қызмет көрсететін 9 бір­лік арнаулы техникалар (2 автогрейдер, 2 жүк тиегіш, 2 жүк тасымал автокөлігі, 2 эксковатор, 1 коммуналдық техника) бар. Жиында арнайы жұмыс жоспары жасақталғандығы айтылды.

Өз тілшімізден

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.