Қарақияда «Алтын белгі» иегерлеріне аттестат тапсырылды

Қарақия ауданында республикалық олимпиада жеңімпаздарды марапаттау және «Алтын белгі» мен «Үздік аттестат» иегерлері мен мектеп бітіруші түлектерге арналған аттестат тапсыру бойынша салтанатты жиын өтті. Аталмыш жиынға аудан әкімінің міндетін атқарушы Қ.Беков, аудан әкімінің орынбасарлары, «НұрОтан» партиясының аудандық филиалы төрағасының бірінші орынбасары Д.Сабытова, ардагер ұстаздар, мектеп директорлары мен бөлім басшылары қатысты.

Жиында алғашқы құттықтау сөз кезегі аудан әкімінің міндетін атқарушы Қ.Әндірұлына беріліп, жалпы білім беретін пәндер бойынша республикалық пәндік олимпиада да қазақ тілінен үшінші орын жүлдегерлері №7 орта мектебінің 10-сынып оқушысы Н.Абатова мен 7 мен 11-сынып оқушылары арасындағы республикалық қазақ тілінен «Жарқын болашақ» олимпиадасының үшінші орын жеңімпазы №6 орта мектебінің 10-сынып оқушысы С.Сисенғалиевтерге сый-құрмет көрсетіп, сыйлықтар табыстады. Жиын барысында «Алтын белгі» мен «Үздік аттестат» иегерлерін салтанатты түрде марапаттады. Салтанатты жиында он оқушы «Алтын белгі», жетеуі «Үздік аттестатқа» ие болған жас түлектер мен олардың ата-аналарын арнайы аудан әкімінің міндетін атқарушы Қ.Әндірұлы марапаттап, оларға «Алғыс хаттар» мен гүл шоқтарын табыстады. Табыстау барысында Құрық орта мектеп гимназиясының оқушылары И.Суюнбаева, Б.Ұзақбаева, №1 орта мектебінің оқушылары М.Ақылбеков, Д.Бультекова, А.Ізімова және №3 орта мектебінің оқушылары А.Кенжебай, Н.Шәмшетов, №4 орта мектебінің оқушылары І.Нұрғали, Ж.Тұрғанбай, Ж.Әлқуат, № 8 орта мектеп оқушысы Ж.Тажадин, сондай-ақ Қашаған орта мектебінің дарынды оқушылары Қ.Нысан, Д.Қалпақ, Қарақұдық орта мектебінің оқушылары М.Оңғалиұлы, І.Төлепбаев, Қ.Тұрлымановалар да «Алғыс хатқа» ие болды. Жиын соңында ардагер ұстаз А.Төлесбаева нұрлы жаңа жолға қадам басқан түлектерге ақжолтай тілегін білдіріп, келешекте ел игілігіне қызмет етуіне тлектестігін білдірді.

Фариза ХАЙДАРОВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.