Мұнайлы ауданы мектептерін 719 оқушы бітіріп шықты

©

Мұнайлы ауданы мектептері 2017-2018 оқу жылын 28168 оқушымен, оның ішінде 1-11 сыныптарда 25 643 оқушы және даярлық топтарда 2 525 баламен аяқтап отыр.

15 мамырда «Бо­лашаққа бағдар: рухани жаңғыру» қо­ғамдық сананы жаңғырту бағдарламасын іске асыру шеңберінде ата-­аналарды мемлекеттік білім беру саясатының бағыттары, орта білім беру жүйесінің жетістіктері туралы хабар­дар ету және мектепті басқаруда педагогтар мен ата-­аналардың күш­-жігерлерін біріктіру мақсатында «Білімді ұлт – білім берудің жә­не отбасылық құндылықтардың сапасы» атты жалпыұлттық ата-­аналар жиналысы өткізілді. Оған ата­-аналар, жергілікті өкілдік және атқарушы органдардың өкілдері, демеушілер және меценаттар, БАҚ өкілдері қатысты.

Оқу жылының аяқталуына байланыс­ты бүгін аудандағы барлық білім беру ордаларында дәстүрлі соңғы қоңырау сал­танатты жиыны өткізілуде. Мектептерде Қазақстан Республикасы Білім және ғылым министрлігінің 2018 жылы жалпы орта білім беретін ұйымдарда Астананың 20 жылдығына арналған «Ел жүрегі – Астана» атты мектеп бітіру іс­шарасын өткізу тұжырымдамасын басшылыққа ала отырып, жиынның өту жос­пары, концерттік бағдарламалар жасақталып, дайындық шаралары ұйымдастырылды. Аталған тұжырымдамаға сәйкес 15 маусымда барлық жерде бір уақытта бітіруші сынып­тардың аттестаттарын табыстау салтанатты жиыны ұйымдастырылады және сол күні бі­тіру кештері өтеді.

Балалардың өмірі мен қауіпсіздігін қам­тамасыз ету мақсатында әр мектепке жау­апты қызметкерлер бекітіліп, штаб құрылды, сондай-­ақ аудандық білім бөлімінің ішкі істер бөлімімен бірлескен іс-­шаралар жоспары да бекітілді. 25 мамыр және 15 маусым күндері ішкі істер бөлімімен бірге рейд жұмыстарын жүргізу жоспарланды. Техника қауіпсіздігін сақтау, өртке қарсы қауіпсіздік мәселелері жөнінде мектеп қызметкерлерімен нұсқаулықтар алдын ала өткізілді.

Қазіргі таңда Мұнайлы ауданы мектептерінде бітіруші 719 оқушы бар. Олардың 549­-і ҰБТ-­ге қатысуға тілек білдіріп отыр. Аудан бойын­ша «Алтын белгіге» үміткер 20 оқушы, «Үздік аттестатқа» үміткер 38 оқушы бар. Кешкі мектепті 48 түлек бітіреді, олардың ешқайсысы ҰБТ-­ға баруға өтініш берген жоқ. Аудандық білім бөлімінің оқу жылын аяқтау туралы бұйрығына сәйкес 9 сыныптардың бітіру қорытынды емтихандары 2018 жыл­ғы 28 мамырдан бастап 8 маусымды қоса алғанда, 11 сыныптардың мемлекеттік біті­ру емтихандары 2018 жылғы 29 мамырдан бастап 9 маусымды қоса алғанда, білім алушыларды қайта аттестаттау 2018 жылғы 12­-30 маусым аралығында өткізіледі. ҰБТ ағымдағы жылдың 20 маусым мен 1 шіл­де аралығында өтеді. Жылдағыдай мектеп түлектерін тестілеу күні Ақтау қаласындағы тестілеу пунктіне жеткізу және кері тасы­малдау жұмыстары ұйымдастырылады, оған жергілікті бюджеттен 220,0 мың теңге қаржы қарастырылды.

Балалар мен жасөспірімдердің жазғы де­малысы мен сауықтырылуын және жұ­мыспен қамтылуын ұйымдастыру бойынша төмендегідей жұмыстар атқарылуда. Аудандағы әлеуметтік жағынан аз қамтылған оқушыларды мектеп жанынан ашылатын жазғы сауықтырумен қамту мүмкіндігін жоғарылату мақсатында 2017 жылы 2300 баланы қамтыса, 2018 жылы 2550 бала қам­тылатын болады. №3 орта мектепте 300 бала, қалған №4, №5, №6, №10, №12 орта мектептердің әрқайсысында 450 бала жазғы сауықтырумен қамтылады. Бөлінген қаражат – 79 370,0 мың теңге.

Жергілікті бюджет есебінен қала сыр­тындағы сауықтыру лагеріне 350 ба­ла қамтылады. Аудан мектептеріндегі үздік оқушыларды, аз қамтылған отбасыларынан шыққан 30 балаға демеушілердің, меценат­тардың колдауымен Астана қаласының 20 жылдық мерейтойына орай «Астана – Ұлы да­ла елордасы» тақырыбында Астана қаласына саяхат ұйымдастыру жоспарланып отыр. Со­нымен қатар балалардың жазғы маусымда бос уақыттарын тиімді пайдалану мақсатында аула клубтарына 2741 бала тартылады.

Маңғыстау облыстық «Дарын» қосымша білім беру орталығының ұйымдастыруымен мау­сым айында «Балдәурен» оқу­-сауықтыру ба­засындағы жазғы демалысқа 45 бала демалып келеді.

Міне, тағы да бір оқу жылы аяқталды. Мектеп қабырғасынан түлеп ұшқалы отырған шәкірттерімізге өмірден өз орын­дарын табуына ниеттестік білдірсек, ал жазғы демалысқа шыққан білім ордасының оқушыларына шаттыққа толы қуанышты күндер тілейміз.

Гүлзада МУРАДАЛИЕВА, Мұнайлы аудандық білім бөлімі басшысының орынбасары

Көрнекі сурет сайттың архивінен

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.