Қос ұлтты құда қылған жастар

Тағдыр табыстырып, тарих тоғыстырған түрлі өзге ұлт өкілдері ынтымағы жарасқан егемен елімізде бейбіт те берекелі ғұмыр кешіп келе жатыр. Солардың бірі – Ержанов Жалғас пен Карпушова Иринаның отбасы. Орыс ұлтының қызы қазақтың қара баласына тұрмысқа шығып, бір әулеттің келіні атанып отыр. Қазақтың салт-дәстүрін үйренген қазақ келіні – қазақ жерінде туып-өскенін мақтан етеді.

Ақкетік – көп ұлтты Қазақ­станның кішкентай бір бөл­шегі. Бұл жерде орыс, лез­гин, татар, түрікмен ұлтта­рының өкілдері тату­-тәтті тірлік кешуде. Бір-­бірімен көрші тұратын қазақстандық­тар бүгінде туысқан болып, құдамдал атанып отыр. Оның нақты бір дәлелі – Ер­ жанов Көңілімқос пен Кар­пушов Владимирдің отбасы. Баутин ауылының тұрғын­дары Ержанов Жалғас пен Карпушова Ирина сезімдері жарасып, 2011 жылдың қаң­тарында отбасын құрды. Осылай орыс қызы қазақ от­басына сыйлы келін атанып жүр. Осында туып өскен Ирина ауылдағы орыс мек­тебінде білім алғанмен көрші қазақ балаларымен қазақша сөйлесіп, бірге ойнап жүріп, қазақшаға судай болып өсе­ді. Ақтау қаласындағы энер­гетикалық колледжді қызыл дипломмен тәмамдаған ол бүгінде бала күтімінде үйде отыр. Бүгінде үш баланың анасы атанған Ирина алғашқы жылдары ата­енесінің қолына түсіп, кейін бөлек шыққан. ­Енем алтын адам, менің өз отбасына сіңісіп, қазақ отбасын игеріп кетуіме көп көмектесті, әрқашан ақыл­-кеңесін айтып, қолдауын білдіріп отырады, ­- дейді енесі Балғаным Күлболғанова жайлы. Осында туып-­өсіп, көршілердің мереке тойла­рына араласып өскендіктен болар, маған қазақ отба­сындағы салт­-дәстүрлер жақын болды. Орыс халқын­ да қыздың артынан жүк апару, жасауын беру дәстүрі болмаса да, анам мені қазақ отбасыға келін болған соң жергілікті салт бойынша қазақша жүгімді әкелді. Қа­заққа келін болған ұнайды. Отбасымызбен қос ұлттың да мерекелерін атап өтеміз. Өзіме Амал мерекесі қат­ты ұнайды. Ол күндерді қара шаңырақта ата-­енеміздің үйінде тойлаймыз.

Ұлты басқа болса да тілегі бір болған ғашықтар бір­-бірімен тіл табысып, тату-­тәтті ғұмыр кешіп жатқан­дарын мақтан тұтады. Бір шаңырақ астында халқымыздың достығы мен өзара түсіністігі одан әрі жал­ғасып, еліміздің ұлтаралық татулығы әрдайым берік болып, ынтымақ, бірлік мәңгі жасай берсін.

Жадыра ЖОЛДАСОВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.