Маңғыстауда «Жасырын қызмет алушы» іс-шарасы өтуде

Мемлекет басшысының Қазақстан халқына 2017 жылғы 31 қаңтардағы Жолдауында сыбайлас жемқорлықтың алдын алу және себептерін анықтап, жою және барлық қоғамның сыбайлас жемқорлыққа қарсы күресуге белсенді қатысуы қажеттілігіне ерекше мән берілген.

Қоғамды сыбайлас жемқорлыққа қарсы іс-­қимылдарға қатыстыру және мемлекеттік қызмет көрсету кезінде әкімшілік кедергілерді анықтау мақса­тында ағымдағы жылдың басында Қазақстан Республикасының Мемле­кеттік қызмет істері және сыбайлас жемқорлыққа қарсы іс­-қимыл агенттігінен келіп түскен тапсырмасына сәй­кес ағымдағы жылдың наурыз айында агенттіктің Маңғыстау облысы бойын­ша департаменті және Маңғыстау облысының үкіметтік емес ұйымдары­ мен бірлесіп, «Жасырын тұтынушы» әдісімен облыстық қорғаныс істері жөніндегі департаменті және оның қа­ла, аудан басқарма бөлімдерінде «Әс­кери қызмет өткеруді растау туралы анықтамалар беру» мемлекеттік көр­сетілетін қызметі бойынша бақылау іс­-шаралары жүргізілді.

Жобаның басты мақсаты қоғамды сыбайлас жемқорлыққа қарсы күреске тарту, сондай-ақ мемлекеттік қызмет­терді көрсету кезінде әкімшілік кедер­гілерді жою болып табылады.

Іс-­шаралар барысында мемлекет­тік қызмет көрсету стандартымен ай­қындалмаған құжаттарды сұрату, қате кеңес беру және мүмкіндігі шектеулі адамдарға қолайлы жағдайдың бол­мауы секілді кемшіліктер мен заң бұ­зушылықтар анықталды.

«Мемлекеттік көрсетілетін қызметтер туралы» Қазақстан Республикасының 2013 жылғы 15 сәуірдегі № 88­-V заңы (бұдан әрі заң) 5­-бабы 2-­тармағының 3) тармақшасына сәйкес көрсетілетін қызметті берушілердің көрсетілетін қызметті алушыларға мемлекеттік қызметтер көрсету тәртібі туралы қол­ жетімді нысанда толық және анық ақ­парат ұсынуға міндетті делінген.

Алайда Маңғыстау облысының қор­ғаныс істері жөніндегі департаменті және Ақтау қаласының қорғаныс іс­тері жөніндегі басқармасының қызмет­керлері әскери қызмет өткеруді растау туралы анықтаманы алу үшін қажетті құжаттар тізімін ұсынудан бас тартып, қызмет алушының өзі келу қажеттігін және әр азаматқа анықтама беріл­мейтіндігін түсіндірген.

Ал Жаңаөзен қаласының қорғаныс істері жөніндегі басқармасының қыз­меткерлері анықтаманы алу үшін стандартпен айқындалмаған құжаттар талап етілетіндігін және әр азаматқа анықтама берілмейтіндігін түсіндіріп, құжаттарды қабылдау үшін тікелей бас­қармаға келу керектігін айтқан.

Дегенмен «Әскери қызмет өткеруді растау туралы анықтамалар беру» мемлекеттік қызмет көрсету стандарты­на сәйкес құжаттарды қабылдау халық­қа қызмет көрсету орталықтары немесе www.egov.kz «электрондық үкімет» веб­порталы арқылы жүзеге асырылады.

Осыған ұқсас кемшіліктер Бейнеу ауданының қорғаныс істері жөніндегі бөлімі қызметкерлері тарапынан орын алып, бөлім ғимаратының кіре берісін­ де мүмкіндігі шектеулі адамдар үшін арнайы пандус орнатылмағандығы белгілі болды.

Өз кезегінде, аталған кемшіліктер бойынша департаментпен Маңғыстау облысының қорғаныс істері жөніндегі департаментіне тиісті шаралар қабылдау үшін бірқатар ұсыныс хаттар жолданып, қазіргі таңда, бұл ұсыныс­тардың орындалуы департаменттің жеке бақылауында тұр.

ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Маңғыстау облысы бойынша департаменті

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.