Шуақты шақтың шырайлы мерекесі

«Шығыс халықтарының арасында, жалпы мұсылман әлемінде әйел затын ерекше бағалайтын, қарындасты қатты қадірлейтін халықтың бірі де бірегейі де - біздің қазақ».                                                                                                                 Н.НАЗАРБАЕВ

Айналаға нұрын шаша келген шуақты көктемнің мерекесі, әйелдер қауымы асыға күтетін 8 наурыз күні де келіп жетті. Бұл күн – отбасы берекесі мен ұйытқысы болып табылатын біздің аналарымызға, жалпы әйелдер қауымына жарқын көңіл мен жақсылық тілейтін күн. «Тойдың болғанынан боладысы қызық» дегендей, бір-біріне сыйлықтарын дайындап, тілектерін оқып, әсіресе жігіттер жағының қарбаласы басым мерекені де өз дәрежесінде атап өттік.

Еш нәрсені қалт жібермейтін, қандай мере­кені болмасын жоғары деңгейде атап өту­ге мән беретін аудан әкімі бұл жолы да сол қалпынан айнымады. Алдымен аудан көле­ мінде басшылық қызметте жүрген әйел аза­маттарды, ел басына қиын қыстау күн туғанда ер азаматтармен бірдей тылда қызмет ет­кен ақ жаулықты аналарды мерекемен құт­тықтады. Аудандағы бөлім, мекеме, кәсіпорын ұжымдары да тыл ардагерлері мен батыр аналарға сый құрмет көрсетті.

Түс ауа аудандық мәдениет үйінде өткен салтанатты шараның куәсі болдық. Мере­келік тамаша көңіл күй мәдениет ордасына кіргеннен­-ақ сезіліп тұрды. Көркем безендірілген сахнаның көз тартарлық сәні ару­ларымыздың әдемілігін паш етіп тұрған­дай болды. Алдымен аруларды аудан әкімі Ж.Айтуаров құттықтады. «Бір қолымен әлемді, бір қолымен бесікті тербеген» ана­лар мерекесінің біз үшін орны бөлек. Үй­дің де түздің де шаруасына араласып, елі­міздің әлеуметтік-экономикалық дамуына ер азаматтармен үзеңгі түйістіре жұмыс жасап, өзіндік үлестерін қосып жүрген сіз­дердің еңбектеріңіздің бағасы өлшеусіз.

Қандай құрметке де лайық асыл жандар, сіздер өздеріңіздің ізеттіліктеріңізбен, сы­пайлықтарыңызбен өмірді шуақтандырып, жақындарыңыз  бен  туыстарыңызға жылу сыйлайсыздар. Мына жарық дүниеге әкелген аналар алдында бәріміздің де бас иетініміз сондықтан. Бүгінде ұрпақ өсірумен қатар, ел еңсесін көтеріле түсуіне өз үлесін қосып келе жатқан қазақ әйелдері қандай да болмасын құрметке лайық»,­ деп жүрекжарды тілегін біл­дірді.

Құттықтау сөзден кейін аудан әкімі Қазақстан Республикасының Президенті Н.Назар­баевтың көп балалы аналарды «Алтын алқа», «Күміс алқамен» наградтау туралы 2018 жылғы 19 ақпандағы №638 Жарлығына сәйкес ауданымыздың демографиялық өсуіне үлес қосып жүрген көп балалы аналарға күміс алқа тапсырды. Алты баланы өмірге әкеліп, тәрбиелегені үшін Қ.Исатаеваны, А.Шегем­баеваны, А.Өмірбаеваны, Г.Әнетованы мара­паттады.

Қазақстан Республикасы Білім және Ғылым министрі Ерлан Сағадиевтің «Еңбек ардагері» медалімен аудандық педагог қызметкерлері кәсіподағының төрайымы Д.Ақжанова ма­рапатталса, «Тәуелсіз Қазақстанның рухани және әлеуметтік дамуы жолында қол жет­кізген табыстары мен білім беру саласы­на қосқан үлесі үшін Құрмет грамотасына А.Меңдалыұлы атындағы орта мектептің оқу ісі жөніндегі орынбасары А.Манғұрова лайық деп танылды.

Маңғыстау облысының әлеуметтік-эко­номикалық дамуына қосқан үлесі үшін об­лыс әкімі Е.Тоғжановтың Алғыс хаты Шетпе темір жол станциясының кезекшісі Г.Еділ­хановаға, «Наз» балабақшасының әдіс­кері Р.Төлеповаға, «Өрлеу» мемлекеттік қазыналық кәсіпорнының әдіскері Ж.Тана­шоваға, Е.Оразақов атындағы өкпе аурула­рына қарсы шипажайдың аға мейірбикесі Қ.Өмірбаеваға, Маңғыстау ауданы әкімі аппаратының бас маманы Т.Көпбаеваға, Өтес орта мектебінің бастауыш сынып мұғалімі Н.Әбдиеваға табысталды.

Ал ауданның әлеуметтік-­экономикалық да­муына қосқан үлесі үшін аудан әкімінің Алғыс хатымен аудандық қоғамдық денсаулық сақ­тау басқармасының бас маманы Р.Қанат­чаева, Қызан ауылдық дәрігерлік амбула­ториясының мейірбикесі Б.Оразова, Маң­ғыстау техникалық колледжінің бас есепшісі Т.Серікбаева, аудандық мал дәрігерлік ла­бораториясының лаборанты А.Сүгірова, М.Атымов атындағы орта мектептің тарих пәнінің мұғалімі Б.Еңсепбергенова, «Айдын» балабақшасының тәрбиешісі Л.Тәңірбер­генова, «Айналайын» балабақшасының тәр­биешісі Ж.Бекмурзина, Шетпе гимназиясының ағылшын пәні мұғалімі П.Қуанова, Үштаған ауылының тұрғыны, көптеген шараларға де­меушілік танытып жүрген кәсіпкер М.Ерке­таева, Ақшымырау ауылдық дәрігерлік амбу­латориясының аға медбикесі Г.Бекесова, аудандық қорғаныс істері жөніндегі бөлімнің жұмылдыру ресурс­тарын есепке алу және тағайындау жөніндегі маманы А.Исатаева ма­рапатталды.

Салтанатты түрде марапаттау рәсімін ау­дан өнерпаздарының ән, жыры жалғады. Ана­ны жырға қоспаған ақын мен сазгер жоқ шығар сірә!? Бірі «Анама» деп шырқаса, бірі «Асыл әжесін» әнге қосты. Тамылжыған түрлі әуеннің ырғағы мерекелік көңіл­-күйімізді еселей түсті.

Айгүл РАХМЕТОВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.