Қыздарға әсемдік жарасады

Қызылтөбе ауылдық мәдениет үйінде ауданаралық «Қыздарға әсемдік жарасады» атты қыз сыны байқауы болып өтті. Байқауға мұнайлы ауданына қарасты мемлекеттік және жекеменшік мекеме қызметкерлерінен жас мамандар қатысып, бақтарын сынады. Байқау ережесі бойынша қатысушы арулар алдымен өзін-өзі таныстыру, кейін «Қыз еркем – кестесімен көркем», «Қызды тәрбиелеген–ұлтты тәрбиелейді», «Өнер», «Жас аспаз», «Сұлулық сыры» атты бөлімдер бойынша өнерлерін ортаға паш етті.

Байқау жоғарғы дәрежеде өтіп, үміткерлер өз өнер­лерімен сайыстың көркін ашты. Байқаудың ең тартысты өткен кезеңі «Жас аспаз» бөлімінде ару­лар қамырдан нан жайып жарысты. Қолдарынан шыққан нан жаймасынан аруларымыз­дың қаншалықты ас мәзіріне икемі бар екендігін байқатты. Кейбір арулар «Қыз­ды тәрбиелеген – ұлтты тәрбиелейді» бөлімінде қыз тәр­биесіне байланысты қазақтың даналық сөздерінің мағынасын ашып жеткізуге кел­генде толымды жауап бере алмады. Әйтсе де үміткер арулар «Өнер» бөлімінде кәсіби өнер саласындағы маман­дар болмаса да би, ән айту, мәнерлеп оқу­дан оза шапты. Бай­қаудан бір байқағанымыз, қазіргі арулардың, яғни жастарымыздың талғампаздығы. Бұған дәлел бай­қаудың соңғы «Сұлулық сыры» бөлімінде ерекше сән үлгілерімен көрермендерді таңғалдырды.

Байқауға қатысқан 17 (он жеті) қыздың арасынан бағы жанып бас жүлдені «Сұңқар» жекеменшік ба­лабақшасының тәрбиешісі Айсәуле Жақсыгелдиева иеленді. 1-­орынды «Басқұдық ауылдық округі әкімінің аппараты» мемле­кеттік мекемесінің қыз­меткері Айжамал Абаева, 2­-орынды «Арай» жекеменшік балабақшасының тәрбиешісі Жадыра Мейлова, 3­орынды «Ақ­маржан-­Мұнайлы» жекеменшік ба­лабақшасының хореографы Гүлшат Давулбаева бөлісті.

ТАҒЫ ОҚЫҢЫЗ: Ақынды ардақтаған кеш

Байқау ережесіне қосымша үміт­керлердің фотоларына инстаграм парақшасы арқылы  дауыс беріліп, «Көрермен көзайымы» номинация­сы жүлдесіне Анара Ермек ие бол­ды. Осы секілді жекелеген номинацияларда «Ибалы ару» Айдан Атрек, «Кер­без ару» Баянды Ахметова, «Зерделі ару» Альфия Са­тыбалдиева, «Тапқыр ару» Альфия Абдрахман, «Өнерлі ару» Роза Рахым марапаттал­са, қалған үміткерлерге алғыс хат берілді.

Алдағы уақытта байқаудың бас жүлдесіне ие болған «Сұң­қар» жекеменшік балабақша­сының тәрбиешісі Айсәуле Жақ­сыгелдиева облыстық байқауда бақ сынамақшы.

Анар ҚАЛЖАН, ҚР Журналистер одағының мүшесі

[gallery td_select_gallery_slide="slide" ids="49884,49883,49882"]